Sanjay raut news: महाराष्ट्राचे राज्यसभा खासदार आणि उद्धव गटाचे नेते संजय राऊत यांना जीवे मारण्याच्या धमक्या आल्या आहेत. असा दावा करण्यात आला आहे, धमकी देणाऱ्या व्यक्तीने ‘मी तुला मूसेवाला सारखा बनवीन’ असा मेसेज केला होता. लॉरेन्स बिश्नोई गँगकडून संजय राऊत यांना जीवे मारण्याच्या धमक्या आल्याचा दावा केला जात आहे. ‘जर तू दिल्लीत सापडलास तर तुला एके 47 ने उडवून देईन, सिद्धू मूसेवाला सारखा मर्डर केस होईल’, असा दावा संजय राऊत यांना पाठवण्यात आलेल्या मेसेजमध्ये करण्यात आला आहे. सलमान आणि तुम्ही व्यवस्थित रहा. लॉरेन्स बिश्नोई यांच्या नावाने ही धमकी देण्यात आली असून तो मजकूर संदेश म्हणून प्राप्त झाला आहे. प्राथमिक माहितीनुसार, मेसेज पाठवणारी व्यक्ती पुण्याची असल्याची माहिती आहे. त्यात त्यांनी लिहिले आहे की, मी मारीन, हिंदुविरोधी आहेस तू , दिल्लीत भेट, सिद्धू मुसेवाला सारखे मी तुला AK47 उडवून देईन. (Sanjay raut news)
यावर संजय राऊत म्हणाले….
दुसरीकडे संजय राऊत म्हणाले की, असं पहिल्यांदाच घडलं नाही, हे सरकार आल्यानंतर आमची सुरक्षा हटवण्यात आली, याप्रकरणी मी कोणालाही पत्र लिहिलेलं नाही. मुख्यमंत्र्यांच्या मुलाने माझ्यावर हल्ल्याचा कट रचला, सत्य काय आहे ते आम्हाला माहीत आहे. मला कालही धमक्या आल्या होत्या, मी याबाबत पोलिसांना कळवले आहे. गृहमंत्र्यांनी काय केले ते सांगा.
सलमानलाही धमक्या दिली
याआधी चित्रपट अभिनेता सलमान खानला लॉरेन्स बिश्नोई टोळीकडून जीवे मारण्याची धमकी देण्यात आली होती. पोलिसांनी सांगितले होते की, 18 मार्च रोजी सलमान खानला पाठवलेला धमकीचा ईमेल परदेशात लपून बसलेल्या गोल्डी ब्रारने पाठवला होता. यापूर्वी एका मुलाखतीत तुरुंगात असलेल्या लॉरेन्स बिश्नोईने सलमान खानला मारणे हेच त्याच्या आयुष्याचे ध्येय असल्याचे म्हटले होते. त्यांनी गायक सिद्धू मूसेवाला खून प्रकरणाबाबत अनेक खुलासे केले होते.
लॉरेन्स विष्णोई आणखी काय म्हणाले
या मुलाखतीनंतर त्याला कारागृहातून एवढ्या सुविधा कशा मिळतात, असा प्रश्नही पोलीस प्रशासनावर उपस्थित करण्यात आला. सलमान खानला माफी मागावी लागेल, असे गँगस्टरने मुलाखतीत म्हटले होते. सलमानने आमच्या बिकानेरच्या मंदिरात जाऊन माफी मागावी. सध्या मी गुंड नाही, पण सलमान खानला मारून गुंडा बनेन. सलमान खानला मारणे हे माझ्या आयुष्याचे ध्येय आहे. सुरक्षा हटवली तर मी सलमान खानला मारेन. सलमान खानला चार-पाच वर्षांपासून मारायचे होते, असेही त्याने सांगितले होते. मुसेवालाच्या हत्येवर ते म्हणाले होते की, गोल्डीने जे केले ते केले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
