Skip to content

Ram Navami Clash: बंगाल-बिहारपाठोपाठ झारखंडमध्येही भडका, शोभा यात्रेवर दगडफेक; पोलिसांची गाडीही फोडली


Ram Navami Clash: झारखंडमध्ये रामनवमीच्या मिरवणुकीच्या निमित्ताने हिंसाचार उसळला असून जमशेदपूरच्या हल्दीपोखर भागात शुक्रवारी झालेल्या वादात ५ जण जखमी झाले. यावेळी संतप्त जमावाने पोलिसांच्या वाहनांची तोडफोड केली. मात्र, यानंतर पोलिसांनी सौम्य लाठीमार करून परिस्थिती नियंत्रणात आणल्याचे सांगीतले जात आहे. जमशेदपूरच्या जुगसलाई भागात शुक्रवारी काही लोकांनी रामनवमीचे पठण करत मिरवणूक काढली होती. या वेळी दुसऱ्या बाजूच्या लोकांनी विरोध केला. (Ram Navami Clash)

Horoscope Today 1 April: वृषभ, तूळ, मीन राशीचे लोक चमकू शकतात, जाणून घ्या आजचे राशीभविष्य

संतप्त लोकांनी बाटा चौकात हनुमान चालिसाचे पठण सुरू केले. काही वेळातच परिस्थिती इतकी गंभीर झाली की दोन्ही बाजूंनी घोषणाबाजी आणि दगडफेक सुरू झाली. जेव्हा गोंधळ वाढला तेव्हा पोलिसांनी दोन्ही बाजूंना शांत करण्याचा प्रयत्न केला, परंतु त्यांना शांत करण्यासाठी टायर जाळण्यास सुरुवात केली. लाठीचार्ज करून देखील पोलिसांच्या वाहनांची तोडफोड करण्यात आली. परिस्थिती नियंत्रणाबाहेर जात असल्याचे पाहून पोलिसांनी बळाचा वापर करत गुंडांचा पाठलाग केला.

जमशेदपूरचे एसपी आणि डीएम स्वतः रात्री उशिरा घटनास्थळी पोहोचले आणि त्यांनी बराच वेळ तेथील लोकांशी चर्चा केली. त्यानंतर येथील परिस्थिती नियंत्रणात आली असली तरी वैयक्तिक आणि सार्वजनिक मालमत्तेचे मोठे नुकसान झाल्याचे पोलीस अधिकाऱ्यांनी सांगितले. रामनवमीच्या मुहूर्तावर पश्चिम बंगालच्या हावडामध्ये हिंसाचार झाला होता. (Ram Navami Clash)

हे प्रकरण इथेही शांत झाले नाही, तोच गुजरातमधील वडोदरा, महाराष्ट्रातील संभाजीनगर आणि बिहारमधील नालंदा येथील सासाराम येथून मिरवणुकीदरम्यान हिंसक चकमकीच्या बातम्या येऊ लागल्या. या सर्व ठिकाणी दगडफेक, जाळपोळ अशा घटना घडल्या आहेत. पोलिसांनी सर्व ठिकाणी परिस्थिती नियंत्रणात आणली असली तरी पश्चिम बंगालमध्ये अजूनही तणावाची परिस्थिती कायम आहे.


The Point Now न्यूजचे अपडेट्स मिळवण्यासाठी आम्हाला फॉलो करा

फेसबुकट्विटरयुट्युबइंस्टाग्राम

Don`t copy text!