Nashik News | नाशिकमधील शाळेत शिक्षकाचे विद्यार्थीनींसोबत अश्लील चाळे

Nashik News |  नाशिकचे ड्रग्स प्रकरण, त्यानंतर दहशतवादी सलीम कुत्ता पार्टी प्रकरण आणि क्षुल्लक कारणांवरून दिवसेंदिवस वाढत असणाऱ्या हत्येच्या घटना, समोर येत असलेली लाचखोरीची प्रकरणं यामुळे नाशिक हे आता धार्मिक नाहीतर, गुन्ह्यांचे शहर म्हणून नावारूपाला येऊ लागले आहे. दरम्यान, आता अशातच आणखी एक धक्कादायक प्रकरण नाशिकमधून समोर आले आहे.(Nashik News)

यानुसार, नाशिक जिल्ह्यातील एका आदिवासी ‘एकलव्य’ निवासी शाळेमध्ये काही विद्यार्थींनींसोबत अश्लील प्रकार होत असल्याचा प्रकार समोर अला आहे. धक्कादायक म्हणजे या विद्यार्थींनींसोबत हे कृत्य करणारा नराधम हा त्यांचाच शिक्षक आहे. दरम्यान, विद्यार्थींनींनी केलेल्या या तक्रारीनंतर शाळेतील विशाखा समितीने चौकशी केली. त्यात १ पुरुष शिक्षक तर दोन महिला शिक्षकांचा सहभाग असून, ते या प्रकरणातील दोषी असल्याचे उघड झाले. या आरोपी शिक्षकांवर कारवाई करत त्यांचे निलंबन करण्यात आले आहे. (Nashik News)

Nashik | नाशिकमध्ये पुन्हा ड्रग्ज माफियांचा सुळसुळाट

नाशिक मधील एकलव्य आदिवासी शाळेत तब्बल १५ ते २० विद्यार्थिनींचा विनयभंग झाल्याचा संतापजनक प्रकार उघडकीस आला आहे. या शाळेत शिकवणाऱ्या एका शिक्षकानेच त्यांचा विनयभंग केला आहे. त्यानुसार, या दोषी शिक्षकावर आदिवासी विभागाने निलंबनाची कारवाई केली आहे. या शिक्षकाने संबंधित विद्यार्थिनींसोबत अश्लील चाळे केल्याचे तपासादरम्यान उघड झाले आहे. तसेच, या प्रकरणी आता संबंधित शाळेच्या प्राचार्यांना ‘कारणे दाखवा’ नोटीस बजावण्यात आलेली आहे. तसेच मुख्य आरोपीसह २ महिला शिक्षकांचेही निलंबन करण्यात आले आहे.(Nashik News)