Nashik | वारंवार आवाहन करूनही ऐकलं नाही; शिवमहापुराण कथेत 52 लाखांचे दागिने चोरीला

पाथर्डी गावात 21 ते 25 नोव्हेंबर या पाच दिवसांच्या कालावधीत श्री शिवमहापुराण कथा सोहळा आयोजित करण्यात आला होता. कथा ऐकण्यासाठी दररोज नाशिक शहर तसेच राज्यभरातून लाखो भाविक हजेरी येथे हजेरी लावत होते. त्यात लाखो महिलांचादेखील समावेश होता. कथा सोहळ्याला येताना सोन्याचे दागिने परिधान करू नये, स्वतःचे दागिने स्वतःच सांभाळावीत असे आयोजन समितीसह पोलिस प्रशासनानेदेखील वारंवार सांगितलेले होते. असे असतानादेखील हजारो महिला सोन्याचे दागिने परिधान करून कथा ऐकण्यासाठी येत होत्या. त्याचाच फायदा घेत सोनसाखळी चोरट्यांनी गर्दीत हातसफाई करीत 56 महिलांचे सोन्याचे दागिने, मंगळसूत्र चोरट्यांनी लांबवलेले आहेत.

मनमाड-येवला मार्गावरील दोन अपघातांत नाशिकचे 5 तरुण; तर पुण्याचा एक जण ठार

दरम्यान, या प्रकरणी इंदिरानगर पोलीस ठाण्यात सोनसाखळी चोरीचे 5 गुन्हे दाखल करण्यात आले असून या गुन्ह्यांमध्ये इतर महिलांना साक्षीदार करण्यात आलेले आहे. एकूण एक किलो 47 ग्रॅम वजनाच्या दागिन्यांवर चोरट्यांनी डल्ला मारल्याचे इंदिरानगर पोलिसांकडून सांगण्यात आलेलं आहे. या कथेदरम्यान सुमारे 550 पोलीस अधिकारी आणि  कर्मचारी बंदोबस्तासाठी तैनात करण्यात आलेले होते. नाशिकचे पालकमंत्री दादा भुसे यांनी स्वतः सर्व परिस्थितीचा आढावा घेतलेला होता.