अन्न आणि नागरी पुरवठा मंत्री छगन भुजबळ यांचा उद्या वाढदिवस आहे. त्यामुळे भुजबळांच्या नाशिकमधील घराबाहेर मोठा पोलीस बंदोबस्त तैनात करण्यात आलेला आहे. भुजबळांना काल जीवे मागण्याची धमकी देण्यात आल्यानंतर पोलीस यंत्रणा अलर्ट मोडवर आलेली आहे. या पार्श्वभूमीवर उद्या भुजबळांच्या वाढदिवसानिमित्ताने मोठा पोलीस बंदोबस्त राहणार आहे. वाढदिवसानिमित्त छगन भुजबळ यांना भेटायला येणाऱ्या लोकांची तपासणीदेखील केली जाणार आहे. भुजबळांच्या थेट जवळ जाण्यासाठी मनाई असणार आहे. आजपासूनच भेटायला येणाऱ्यांची तपासणी केली जात आहे. भुजबळांना धमकी आल्यानंतर पोलिसात गुन्हा देखील दाखल झालेला आहे. या प्रकरणी पुढील पोलीस अधिक तपास करत आहेत.
छगन भुजबळ धमकी प्रकरणावर रासपचे नेते महादेव जानकर यांनी प्रतिक्रिया दिलेली आहे. छगन भुजबळांच्या समर्थनार्थ जानकर मैदानात उतरले आहेत. मंत्री भुजबळ हे ओबीसी समाजाचे माईलस्टोन आहेत. भुजबळ आमचे दैवत आहेत. छगन भुजबळसाहेबांना धमकी देणार आहात तर बाकी समाज गप्प का गप्प बसेल? अशा धमक्या देऊ नका. हे अजिबात योग्य नाही. कायद्याने सगळ्यांना आरक्षण मिळण्यासाठी प्रयत्न करावेत, असं नेते महादेव जानकर म्हणालेत. छगन भुजबळांना धमकी देणं हे चूक आहे. छगन भुजबळ आमचे दैवत आहेत. त्यांना धमकी दिली जात असेल तर बाकीचा समाज अजिबात गप्प बसणार नाही. अशा धमक्या देऊ नका. या भानगडीत पडू नका नाहीतर आम्हाला विचार करावा लागेल, असंही नेते महादेव जानकर म्हणालेत.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
