Maratha Reservation | फडणवीस, पवारांच्या निवासस्थानी धडकणार मराठा आंदोलक 

यातच आता मराठा क्रांती ठोक मोर्चाच्या वतीने सर्व राजकीय पक्षांची भूमिका जाणून घेण्यासाठी राजकीय नेत्यांच्या निवासस्थानी आंदोलन केले जात आहे. शरद पवार संभाजीनगर दौऱ्यावर असताना ते राहत असलेल्या हॉटेलबाहेर आंदोलन करण्यात आले होते. त्यानंतर मातोश्रीबाहेरही मराठा आंदोलकांनी आंदोलन केले होते. तर, काल राज ठाकरेंच्या हॉटेलबाहेर आंदोलन करण्यात आले होते. यावेळी माध्यमांसमोर राज ठाकरे आणि मराठा आंदोलक यांच्यात चर्चा झाली.

Maratha Reservation | भुजबळांचं टेन्शन वाढलं; मनोज जरांगेंचे पुढील उपोषण येवल्यात..?

फडणवीस, पवारांच्या निवासस्थानी धडकणार मराठा आंदोलक 

दरम्यान, यानंतर आज उपमुख्यमंत्री देवेंद्र फडणवीस यांच्या सागर बंगल्याबाहेर आणि त्यानंतर शरद पवार यांच्या सिल्वर ओक या निवासस्थानाबाहेरही आंदोलन करण्यात येणार आहे. आंदोलक रमेश केरे पाटील हे आज देवेंद्र फडणवीस यांच्या निवासस्थानापासून ते शरद पवार यांच्या निवासस्थानापर्यंत आंदोलन करणार असून, या पार्श्वभूमीवर दोन्ही नेत्यांच्या निवासस्थानाबाहेर मोठा पोलिसांचा फौजफाटा तैनात करण्यात आला आहे.(Maratha Reservation)

… तर, ठिय्या मांडू

दरम्यान, “आम्हाला पोलिसांनी अडवलं तर आम्ही तिथे ठिय्या मांडू”, असा इशारा आंदोलक रमेश केरे पाटील यांनी दिला आहे. तर, “शरद पवार यांनी त्यांची आणि मुख्यमंत्री एकनाथ शिंदे यांची बैठक झाली ती कशासाठी झाली..?”, याबाबत खुलासा करण्याची मगाणीही त्यांनी केली आहे.

आरक्षण प्रश्न लवकर मार्गी लावा; अन्यथा बांगलादेशमध्ये जे घडतंय ते तुम्ही बघताय

“समाजासाठी हे सर्व नेते का एकत्र येत नाहीत. मराठा समाज हा आर्थिकदृष्ट्या दुर्बल घटक आहे. त्यामुळे आम्हाला शैक्षणिक आणि इतर क्षेत्रात टिकणारे आरक्षण पाहिजे. केंद्रात आणि राज्यातही भाजपचे सरकार असून, मराठा आरक्षणाचा प्रश्न हा सरकारने आणि इतर नेत्यांनी लवकर मार्गी लावावा. अन्यथा बांगलादेशमध्ये काय घडतंय, हे तुम्ही बघताय. त्यामुळे आमचाही उद्रेक पाहू नका”, असा इशाराही यावेळी बोलताना रमेश केरे पाटील यांनी दिला आहे.