येवला तालुक्यातील नगरसूल परिसरातील मळू बाई घाटा जवळच असलेल्या कामोदकर तसेच शुक्ला वस्ती अशा तिन्ही ठिकाणी सशस्त्र दरोडेखोरांनी दरोडा टाकला आहे. या दरोड्यात दरोडेखोरांनी जवळपास २० ते २५ लाखांची रोकड, सोने, आणि चांदी असा लाखो रुपये किंमतीचा मुद्देमाल घेऊन दरोडेखोर फरार झाले आहे. दरम्यान, ह्या घटनेची माहिती मिळताच वरिष्ठ पोलिस अधिकारी तसेच डॉग स्कॉडचे पथक तातडीने घटनास्थळी पोहचले. पण,  श्वान पथकाला केवळ काही अंतर माग दाखवण्यात आला आहे. या परिसरात घडलेल्या घटनेमुळे मनमाड, येवला तसेच आसपासच्या ग्रामीण भागांतील खेड्या पड्यांवरी नागरिकांमध्ये तसेच शेत शिवारात राहणाऱ्या शेतकऱ्यांमध्ये अत्यंत भीतीचे वातावरण पसरले असून पुढील सखोल तपास पोलिस करीत आहे.