Shivswarajya Yatra | यात्रेच्या सुरुवातीलाच दुर्घटना; जयंत पाटील, रोहिणी खडसे बचावले अमोल कोल्हे जखमी

Shivswarajya Yatra | नेमकं घडलं काय..?

राष्ट्रवादी काँग्रेस शरद पवार गटाच्या शिवस्वराज्य यात्रेला आजपासून सुरूवात झाली आहे. या यात्रेची सुरुवात ही शिवजन्मभूमी शिवनेरी किल्ल्याच्या पहिल्या पायरीला अभिवादन करून करण्यात आली. शिवनेरीच्या पहिल्या पायरीचं दर्शन घेऊन पक्षाची सर्व नेतेमंडळी जुन्नर शहरातील छत्रपती शिवाजी महाराजांच्या त्याची सुरुवात किल्ले शिवनेरीपासून करण्यात आली.

शिवनेरीच्या पहिल्या पायरीचं दर्शन घेऊन हे सर्व नेतेमंडळी जुन्नर शहरातील छत्रपती शिवाजी महाराजांच्या पुतळ्याला पुष्पहार अर्पण करण्यासाठी गेले असता, यावेळी जयंत पाटील, खासदार डॉ. अमोल कोल्हे, रोहिणी खडसे, मेहबूब शेख यांनी क्रेनच्या ट्रॉलीतून पुतळ्याला पुष्पहार अर्पण केला आणि  ट्रॉलली खाली आणताना ट्रॉलीमध्ये बिघाड झाला आणि ट्रॉली तिरकी झाली. यामुळे एकच गोंधळ उडाला. दरम्यान, यात जयंत पाटील, रोहिणी खडसे आणि मेहबूब शेख हे सुखरूप असून, अमोल कोल्हे यांना किरकोळ दुखापत झाली आहे. ट्रॉलीचा नट निसटल्यामुळे ही घटना घडल्याची प्राथमिक माहिती आहे.

Bachhu kadu | अन् संतापलेल्या आमदार बच्चू कडू यांनी थेट अधिकाऱ्याच्या कानशि‍लात लगावली

राज्यात विधानसभा निवडणूकीचे बिगुल कधीही वाजण्याची शक्यता असल्याने या पार्श्वभूमीवर सर्वच पक्षांनी कंबर कसली आहे. सर्वच पक्षाचे नेते राज्याचे दौरे करत आहेत. कालच अजित पवारांनी जनसन्मान यात्रेला सुरुवात केली. यानंतर आता शरद पवार गटानेही शिवस्वराज्य यात्रेला सुरुवात केली आहे.