Shivjayanti 2024 | शिवजयंती निमित्त मुख्यमंत्र्यांची शिवनेरीवरून घोषणा…

Shivjayanti 2024 | महाराष्ट्राचे आराध्य असलेल्या छत्रपती शिवाजी महाराजांची आज ३९४ वी जयंती असून, या निमित्ताने किल्ले शिवनेरीवर शासकीय शिवजन्मोत्सव सोहळा पार पडला. याधीच मराठा आंदोलनाच्या पार्श्वभूमीवर या शासकीय सोहळ्यात काही बदल करण्यात आले होते. तसेच यासाठी जिल्हा प्रशासनाने मोठी जय्यत तयारी केली होती. या सोहळ्याला मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, मंत्री दिलीप वळसे पाटील आदी दिग्गज नेतेमंडळी उपस्थित होते. (Shivjayanti 2024)

यावेळी एकनाथ शिंदे यांनी भाषणाला सुरुवात करताच उपस्थित मराठा बांधवांनी ‘एक मराठा लाख मराठा’ अशी घोषणाबाजी सुरू केली असता, “उद्याच्या अधिवेशनातून मराठा समाजाला आरक्षण देण्याचा निर्णय घेण्यात येणार असल्याचं एकनाथ शिंदेंनी जाहीर केलं”. तसेच यावेळी राज्य शासनाने दांडपट्टा या शस्त्राची ‘राज्यशस्त्र’ म्हणून घोषणा केल्याचेही मुख्यमंत्र्यांनी नमूद केले. (Shivjayanti 2024)

यावेळी उपस्थितांना संबोधित करताना मुख्यमंत्री एकनाथ शिंदे म्हणाले की, “छत्रपती शिवराय हे आई भवानीला कौल मागण्याइतके धार्मिक होते. तर, तेवढेच ते व्यवहारी आणि विज्ञाननिष्ठ होते. त्यांनी अत्यंत मायेने आपल्या प्रजाजणांचा सांभाळ केला. छत्रपती शिवाजी महाराजांनी तलवार हाती घेतली. पण ती कधी निष्पापांच्या रक्ताने माखू दिली नव्हती. त्यामुळे शिवाजी महाराजांच्या रणनीतीला रक्ताचा वास येत नाही. तर, मानवतेचा सुगंध येतो, असे प्रतिपादन मुख्यमंत्री एकनाथ शिंदे यांनी केले. (Shivjayanti 2024)

Maratha Reservation | सरकारला मराठ्यांचा धाक; शिवजयंतीबाबत मोठा निर्णय

Shivjayanti 2024 | तो पुतळा पाहून माझ्या अंगात उर्जा संचारली

काही महिन्यांपूर्वी मुख्यमंत्री एकनाथ शिंदे यांच्या हस्ते जम्मू-काश्मीरच्या कुपवाडा जिल्ह्यामध्ये भारत-पाकिस्तान सीमेवर छत्रपती शिवाजी महाराजांच्या भव्य पुतळ्याचे अनावरण करण्यात आले होते. याबाबतची एक आठवण त्यांनी सांगितली ते म्हणाले की, “पाकिस्तानकडे तलवार रोखून धरणारा तो पुतळा पाहून माझ्या अंगात उर्जा संचारली होती. आणि तो पुतळा पाहून पाकिस्तानची कधीही भारताच्या दिशेने वाकड्या नजरेने पाहण्याची हिंमतही होणार नाही. तसेच, लवकरच लंडनच्या वस्तुसंग्रहालयातील शिवरायांची वाघनखं ही भारतात आणली जाणार असल्याचेही यावेळी शिंदे यांनी अधोरेखित केले. (Shivjayanti 2024)

पुरातत्व विभागामुळेच गड किल्ल्यांच्या विकासात अडथळा

तर, यावेळी संबोधित करताना उपमुख्यमंत्री तथा गृहमंत्री देवेंद्र फडणवीस म्हणाले की,”शिवाजी महाराजांनी आपल्याला अन्याया विरोधात लढायला शिकवले आहे. अन्याय करणारा हा कितीही मोठा असला तरी देव, देश व  धर्मासाठी लढणाराच जिंकतो. छत्रपती शिवाजी महाराजांनी मुघलांच्या विरोधात लढायला शिकवले आहे. आम्हीही शिवाजी महाराजांच्या पावलावर पाऊल टाकून राज्यकारभार करण्याचा प्रयत्न करतो आहोत. तसेच, पुरातत्व विभागाच्या कार्य पद्धतीमुळेच गड किल्ल्यांच्या विकासाला अडथळा येतो.  मात्र, यामध्ये बदल करण्यात आल्याचे देवेंद्र फडणवीस यांनी यावेळी सांगितले. (Shivjayanti 2024)

Deola | खर्डे येथे शिवजयंती निमित्ताने जय्यत तयारी; विविध कार्यक्रमांचे आयोजन

गडकिल्ल्यांसाठी ८३ कोटी खर्च करण्यात आले

“छत्रपती शिवाजी महाराज म्हणजे सर्वांना एकत्र घेऊन जाणारा विचार आहे. सर्व जाती, धर्मांना एकत्र घेऊन आपण गुलामगिरीच्या विरुद्ध लढले पाहिजे, हे शिवाजी महाराजांनी लोकांच्या मनावर बिंबवले आहे. महायुती सरकार हे गड-किल्ल्यांसाठी काम करत असून, गडासाठी ८३ कोटी खर्च करण्यात आले आहेत. याबरोबरच इतर गडकिल्ल्यांचाही जिर्णोद्धार करण्याच्या कामाची सूचना मला मुख्यमंत्र्यांनी दिली असल्याचेही अजित पवार यांनी सांगितले.

मुख्यमंत्री एकनाथ शिंदे यांनीही यावेळी मनोगत व्यक्त केलं. मात्र त्यांच्या भाषणादरम्यान शिवनेरीवर मराठा आंदोलकांकडून घोषणाबाजी देखील करण्यात आली. मुख्यमंत्री शिंदे यांचं भाषण सुरू असताना मराठा आंदोलकांनी ‘एक मराठा लाख मराठा’च्या घोषणा दिल्या. (Shivjayanti 2024)