Skip to content

Nashik | गाडीची टाकी करा फुल्ल..!; 18 जिल्ह्यांत डिझेल, पेट्रोल पुरवठा विस्कळीत


Nashik | मनमाडजवळील नागापूर येथील इंडियन ऑइल कंपनीच्या इंधन साठवणूक प्रकल्पात शुक्रवारी पहाटे जास्त दाबाने इंधन आल्यामुळे डिझेलची पाइपलाइन फुटली आणि त्यातून मोठ्या प्रमाणावर गळती सुरू झाल्याने संपुर्ण परिसरात खळबळ उडाली. सुदैवाने या घटनेत जीवितहानी टळली असली तरी मोठ्या प्रमाणावर गळतीमुळे आर्थिक नुकसान झाल्याचे वृत्त समोर आलेलं आहे.

शुक्रवारी पहाटेपासून राज्यांत प्रामुख्याने मराठवाड्यातील छत्रपती संभाजीनगर तसेच उत्तर महाराष्ट्रातील नाशिक, धुळे, जळगाव, अहमदनगर जिल्ह्यासह एकूण 18 जिल्ह्यात इंडियन ऑइल प्रकल्पांतील टँकरद्वारे वितरित होणाऱ्या डिझेल आणि पेट्रोल वाहतुकीवर तसेच वितरणावर विपरीत परिणाम झालेला आहे. या ठिकाणी बराच काळ संपूर्ण इंधन वितरण ठप्प झाले होते. 48 ते 72 तासात ते टप्प्याटप्प्याने सुरू करण्यात येईल, असं सूत्रांनी सांगितलेले आहे.

‘तेज’ चक्रीवादळ येतंय…शेतकऱ्यांनो सावधान!

मनमाड येथून 5  किलोमीटरवरील नागापूर इंडियन ऑइल इंधन प्रकल्पात गुरुवारी(दि. 19) रात्री जास्त दाबाने इंधन आल्याने पाइपलाइन फुटली आणि मोठ्या प्रमाणावर गळती झाल्याने परिसरात ते इंधन पसरले.  सुदैवाने यात मोठी दुर्घटना टळली आहे.  प्रशासनाच्या निष्काळजीपणामुळे ही गळती झाल्याचा आरोप स्थानिक ग्रामस्थांनी केला आहे. शुक्रवारी पहाटे साडेपाच वाजता हा प्रकार समजल्यानंतर त्याबाबत तातडीने प्रतिबंधक उपाययोजना करण्यात आली होती.

दरम्यान, या संपुर्ण परिसरात सर्वत्र इंधन पसरल्याने पेट्रोल-डिझेलचा वास येतो आहे. तसेच तेथील जमिनीतही इंधन झिरपल्याचे ग्रामस्थांनी सांगितलेले आहे. दरम्यान, या प्रकल्पात अंतर्गत गोपनीयता असल्याने व्यवस्थापनाने अधिकृत माहिती दिलेली नाही.

Saptashrungi Devi Gad| ५० हजार भाविक घेतायेत भगवतीचे दर्शन, सप्तमीनिमित्त भाविकांची संख्या अजून वाढण्याची शक्यता

 १० ते १५ मीटर फवारे उडाले
इंडियन ऑइलमध्ये पाइपलाइनद्वारे डिझेल घेण्यात येत असताना जास्त दाबामुळे पाइपलाइन फुटली आणि मोठ्या प्रमाणात गळती झाली. 10 ते 15  मीटर इंधनाचे फवारे उडाल्याचे प्रत्यक्षदर्शींनी सांगितले आहे. यापूर्वीही काही वर्षांपूर्वी अशी गळती झाल्यानंतर तेथील नाल्यात आणि नदीत हे इंधनाचे मिश्रण एकत्रित झाले. तेथील विहिरी तसेच त्यातील पाण्यावर इंधनाचे थर आले होते तर काही भागातील उभ्या पिकाचेही नुकसान झाले होते. त्यामुळे ग्रामस्थांमध्ये भीतीचे वातावरण पसरले आहे.


The Point Now न्यूजचे अपडेट्स मिळवण्यासाठी आम्हाला फॉलो करा

फेसबुकट्विटरयुट्युबइंस्टाग्राम

Don`t copy text!