Loksabha Candidate | राज्यातील काँग्रेसचे उमेदवार जाहीर

Loksabha Candidate | देशात लोकसभा निवडणुकांचे बिगुल वाजले असून, या पार्श्वभूमीवर सर्वच पक्षांनी कंबर कसून प्रचाराला सुरुवात केली आहे. भाजपने याधीच उमेदवारांच्या २ याद्या जाहीर केल्या होत्या. दरम्यान, आता काँग्रेसनेही महाराष्ट्रातील काँग्रेस उमेदवारांची पहिली यादी जाहीर केली असून, यात कोल्हापुर मतदार संघातून छत्रपती शाहू महाराज आणि पुण्यातून आमदार रवींद्र धंगेकर यांना उमेदवारी देण्यात आली आहे. (Loksabha Candidate)

या यादीत राज्यातील ७ जागांवरील उमेदवार जाहित करण्यात आले असून, यात आमदारांना खासदारकीची संधी देण्यात आली आहे. तर, पुण्यातून आमदार रवींद्र धंगेकर यांना उमेदवारी जाहीर करण्यात आली असून, नांदेडमधून वसंतराव चव्हाण यांना उमेदवारी दिली आहे. अनेक दिवसांपासून ज्याबाबत चर्चा सुरू होती. त्या कोल्हापूरच्या जागेवर शाहू महाराज छत्रपती यांना काँग्रेसने उमेदवारी दिली आहे. तर नंदुरबारमधून गोवाल पाडवी यांना उमेदवारी जाहीर करण्यात आली आहे.(Loksabha Candidate)

Loksabha Election | आमदारांना खसदारकीची संधी; काँग्रेसचे ‘हे’ उमेदवार निश्चित

काँग्रेसने महाराष्ट्रातील एकूण ७ उमेदवारांची नावे जाहीर केली आहेत. तर, उर्वरित उमेदवारांची घोषणाही लवकरच होणार असल्याची माहिती समोर आहे. महाविकास आघाडीच्या सूत्रानुसार महाराष्ट्रात काँग्रेसच्या वाट्याला ४८ पैकी १८ जागा आल्या असून, यापैकी ७ जागा आणि उमेदवारांची घोषणा झाली आहे. दरम्यान, आता महाविकास आघाडीतील इतर घटक पक्ष हे किती, आणि कोणत्या जागांवर लढणार आणि त्यांचे उमेदवार कोण असणार हे पाहणं महत्त्वाचं ठरणार आहे.(Loksabha Candidate)