सोमनाथ जगताप – प्रतिनिधी: देवळा | तालुक्यातील पिंपळगांव ते खडकतळे रस्त्यावरील साईट पट्ट्यांवर दुतर्फा असलेल्या काटेरी झुडप्यांमुळे अपघातांची मालिका सुरु असून, सोमवारी दि. १४ रोजी रात्रीच्या सुमारास याठिकाणी ट्र्क पलटी झाला. सुदैवाने यात जीवितहानी झाली नाही. पिंपळगांव ते खडकतळे हा रस्ता अरुंद आहे. त्यात साईट पट्ट्यांवर दुतर्फा झाडे वाढल्याने वाहनधारकांना या मार्गावर मार्गक्रमण करतांना तारेवरची कसरत कारावी लागत आहे. त्याचप्रमाणे, या रस्त्याचे निकृष्ट दर्जाचे काम झाल्याने अल्वपाधीत रत्यावर खड्डे पडली आहेत.
नागरिकांकडून तीव्र संताप व्यक्त
या रस्त्यावर वाहतुकीची वर्दळ वाढली असून, अरुंद रस्त्यामुळे नेहमी छोटे-मोठे अपघात होतात. सोमवारी या रस्त्यावर शेतमाल घेण्यासाठी जात असलेला ट्रक पलटी झाला. यामुळे संतप्त नागरिकांनी संबंधित विभागावर तीव्र संताप व्यक्त केला आहे. याची दखल घेऊन या रस्त्याची दुरुस्ती करावी, अन्यथा तीव्र आंदोलन छेडण्यात येईल. असा इशारा खडकतळे येथील सामाजिक कार्यकर्ते संकेत पगार यांनी दिला आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
