सोमनाथ जगताप- प्रतिनिधी: देवळा | तालुक्यातील सटवाईवाडी येथे बुधवारी (दि. २५) रोजी एका युवकाने शेतात गळफास घेऊन आत्महत्या केली असून, या घटनेची देवळा पोलीस ठाण्यात अकस्मात मृत्यूची नोंद करण्यात आली आहे.
घरा शेजारील शेतात घेतला गळफास
याबाबत देवळा पोलीस ठाण्याकडून मिळालेली माहिती अशी की, तालुक्यातील सटवाईवाडी येथे बुधवार (दि.२५) रोजी दुपारी चार वाजेच्या सुमारास हेमंत हिरामण मेधणे (३२) या युवा शेतकऱ्याने आपल्या घरालगतच्या शेतात गळफास घेऊन आत्महत्या केली आहे. त्यांच्या पश्चात आई, वडील, पत्नी, एक मुलगा,एक मुलगी असा परिवार आहे. मयत मेधने याच्या आत्महत्याचे नेमके कारण समजू शकले नाही. घटनास्थळी पोलिसांनी भेट देऊन पंचनामा केला असून, या घटनेची पोलीस ठाण्यात अकस्मात मृत्यू ची नोंद करण्यात आली आहे. मेधने याच्यावर देवळा ग्रामीण रुग्णालयात शवविच्छेदन करण्यात आले.
आत्महत्येचे कारण अद्याप अस्पष्ट
रात्री उशिरा त्याच्यावर गावात शोकाकुल वातावरण अंत्यसंस्कार करण्यात आले. या घटनेने सटवाईवाडी व परिसरात हळहळ व्यक्त करण्यात येत आहे. प्रगतीशील शेतकरी हिरामण मेधने यांचा तो मुलगा आहे. अधिक तपास पोलीस निरीक्षक ज्ञानेश्वर जाधव यांच्या मार्गदर्शनाखाली सुरू आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
