Gold Silver Prices Down| देशभरात सर्वत्रच दसरा हा सण वेगवेगळ्या प्रकारे आणि मोठ्या उत्साहात साजरा केला जातो. साडेतीन मुहूर्तांपैकी एक शुभमुहूर्त असल्यामुळे अनेक जण दसऱ्याच्या दिवशी मोठ्या प्रमाणात सोनं, चांदी खरेदी करतात. दसऱ्याच्या ह्या शुभमुहूर्तावर तुम्हीही सोनं खरेदी करण्याचा विचार करत असाल तर तुमच्यासाठी ही आनंदाची बातमी आहे. कारण, सोन्याच्या दरांत मोठी घसरण झाली आहे.
दसऱ्याच्या आदल्या दिवशीच सोन्याचे दर हे प्रतितोळा तब्बल ६१ रुपयांनी घसरले आहे. सोन्याचा दर हा आज प्रतितोळा ६०,६३२ रुपयांवर पोहचला आहे. काल हा दर प्रतितोळा ६०,६९३ रुपये इतका होता.
तुमच्या शहरांत किती आहे दर..?
मुंबईमध्ये आज २४ कॅरेट सोन्याचा भाव, सोमवारी (दी. २३) रोजी ६१,४५० रुपये प्रतितोळा असा आहे. तर नागपूरमध्ये २४ कॅरेट सोनं ६१४५० रुपये प्रतितोळा इतका आहे. तसेच पुण्यात २४ कॅरेट सोन्याचा भाव ६१,४५० रुपये प्रतितोळा असा आहे. सोलापुरात आज सोन्याचा भाव ६१,४५० असा आहे.
इस्रायल आणि हमासमधील युद्धामुळे जागतिक बाजारांत मोठ्या घडामोडी सुरू आहेत. नुकतंच काही दिवसांपूर्वी सोने आणि चांदीच्या दरांमध्ये मोठी वाढ झाली होती. त्यामुळे सराफ बाजारांमध्ये शांतता दिसत होता. पण, आज दर कमी झाल्यामुळे तसेच सोबतच असलेल्या दसऱ्याच्या मुहूर्तावर सोनं खरेदी करायचं असल्याने नागरिकांनी आज बाजारांत चांगलीच गर्दी केली आहे. आज आणि उद्या असे दोन दिवस सराफ बाजारांत चांगलीच गर्दी बघायला मिळण्याची शक्यता आहे.
चांदवड | देवीचं दर्शन घेऊन परतताना काळाने घातला घाला; घटना सीसीटीव्हीमध्ये कैद
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
