Nashik | दिवाळीच्या सणानिमित्त घर जाण्याची ओढ लागलेली असून गावी जाणाऱ्यांच्या संख्येत मोठी वाढ झालेली आहे. परंतु याच गर्दीचा फायदा काही खासगी वाहतूकदारांकडून घेतला जातो आहे. एकीकडे एसटी बसेसला असणारी गर्दी आणि दुसरीकडे खासगी वाहतुकदारांकडून अव्वाच्या-सव्वा प्रवासी भाडे आकारले जात आहे. या पार्श्वभूमीवर नाशिक वाहतूक पोलीस शाखेकडून हेल्पलाईन क्रमांक जारी करण्यात आलेला असून काही तक्रारी असल्यास संबंधित क्रमांकावर संपर्क साधण्याचे आवाहन करण्यात आले आहे.
Crime news | अपघातातील मृत भिकारी निघाला लखपती
राज्यभरात दिवाळीची लगबग सुरु असून सगळीकडे उत्साहाचे वातावरण पाहायला मिळत आहे. गावाकडून शहरात आलेल्या, तसेच महिला माहेरी दिवाळी सणांनिमित्त गावाकडे जात असतात. त्याचबरोबर सुट्ट्यांचा काळ असल्याने प्रवाशांची मोठ्या प्रमाणात गर्दी पहायला मिळते. यंदा ST महामंडळाने प्रवाशी भाड्यात दहा टक्के वाढ केलेली आहे. परंतु तरीदेखील ST ने जाणाऱ्या प्रवाशांची संख्या अधिक आहे. दुसरीकडे बसेसला प्रवाशांची गर्दी असल्याने अनेक प्रवासी खासगी वाहतुकीचा आधार घेत आहेत. मात्र याचाच फायदा घेऊन खासगी वाहतुक करणारे वाहनचालक अव्वाच्या सव्वा भाडे आकारत आहेत.
या पार्श्वभूमीवर प्रवाशांना येणाऱ्या अडचणींच्या तक्रारीसाठी 0253-222005 या हेल्पलाइन क्रमांकावर किंवा rto15-mh@gov.in या इ-मेल आयडीवर संपर्क साधावा असं आवाहन प्रादेशिक परिवहन अधिकाऱ्यांनी केलेले आहे. तसेच शासन निर्णयानुसार निर्धारित केलेल्या दरापेक्षा अधिक दराने भाडे आकारणी केल्यास देखील प्रवाशांनी तक्रार करावी असेही सांगण्यात आले आहे. खासगी प्रवासी बस व वाहनांनी निश्चित केलेल्या दरानुसारच भाडे आकारावे, नियमांचे पालन करावे असे आवाहन प्रादेशिक परिवहन अधिकारी यांनी केलेले आहे.
धक्कादायक! तरुणाला घरी बोलवून नग्न नाचवलं; अश्लील व्हिडिओ शूट करुन केला व्हायरल
दिवाळी सणासाठी गावी जाणाऱ्या प्रवाशांच्या संख्येत वाढ झाली असून नाशिक शहरातील सीबीएस, ठक्कर बसस्थानकावर प्रचंड गर्दी झालेली आहे. यात नाशिक शहरातून प्रामुख्याने धुळे, खान्देश, पुणे, मुंबईकडे जाणारे प्रवासी जास्त आहेत. ज्यादा बसेस उपलब्ध करूनही प्रवाशांची गर्दी वाढल्याचे चित्र आहे. तसंच रेल्वेचेदेखील तिकीट आरक्षण फुल झाल्याने प्रवाशांना खासगी वाहनांचा आधार घ्यावा लागतो आहे. याचाच फायदा घेत खासगी ट्रॅव्हल्सचालकांकडून तिकीट दरात दुप्पट-तिप्पटीने अधिक घेतले जात असल्याने प्रवासी संतप्त झालेले आहेत. ST महामंडळाच्या विविध संवर्गातील टप्पा वाहतुकीचे सद्यस्थितीचे भाडेदर विचारात घेण्यात आलेले आहे. त्यानुसार खासगी कंत्राटी परवाना वाहनाचे त्या-त्या संवर्गातील संपूर्ण बससाठी येणाऱ्या प्रति-किलोमीटर भाडे दराच्या 50 टक्क्यांपेक्षा अधिक राहणार नाही, असं कमाल भाडेदर निश्चित करण्यात आलेले आहेत.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
