Skip to content

खालप सरपंचाच्या विरोधात अविश्वास ठराव दाखल


देवळा : खालप ता देवळा येथील सरपंचाच्या विरोधात सोमवारी दि १० रोजी तहसीलदारांकडे दोन विरुद्ध नऊ सदस्यांनी अविश्वास ठराव दाखल केला आहे . या प्रकारामुळे खालप गावात खळबळ उडाली असून,सात दिवसांच्या आत या ठरावावर शिक्कामोर्तब केले जाणार आहे.

AAP National Party: NCP चा राष्ट्रीय दर्जा गेला सोशल मीडियावर ट्रोल; साडे तीन जिल्ह्यांचा पक्ष म्हणत हिनवले

याबाबत अधिक माहिती अशी की ,खालप ता देवळा येथील सरपंच मनीषा वसंत सूर्यवंशी हे इतर सदस्यांना विश्वासात न घेता मनमानी कारभार करत असून, या गैर कारभाराला कंटाळून त्यांच्या विरोधात नऊ सदस्यांनी काल सोमवारी दि १० रोजी तहसील कार्यालयात अविश्वास ठराव दाखल केला. यात ग्रामपंचायत सदस्य विमलबाई सूर्यवंशी , विजया देवरे, बेबीबाई सूर्यवंशी, कांताबाई पिंपळसे, हिरामण पवार ,संतोष भामरे, मुरलीधर आहिरे ,सुनील सूर्यवंशी, बाजीराव सूर्यवंशी या नऊ सदस्यांचा समावेश आहे. खालप ग्रामपंचायतीच्या एकूण ११ सदस्यांपैकी ९ सदस्यांनी अविश्वास प्रस्तावावर आपल्या सह्या केल्या आहेत.

गेल्या दोन वर्षात सर्वांना विश्वासात घेऊन कामकाज केले आहे, कुठल्याही प्रकारचा मनमानी कारभार केला नाही . चांगले काम विरोधकांच्या डोळ्यात खुपसते .
– मनीषा वसंत सूर्यवंशी
सरपंच, खालप ग्रामपंचायत


The Point Now न्यूजचे अपडेट्स मिळवण्यासाठी आम्हाला फॉलो करा

फेसबुकट्विटरयुट्युबइंस्टाग्राम

Don`t copy text!