Igatpuri | काल संध्याकाळच्या सुमारास इगतपुरी तालुक्यातील (Igatpuri Taluka) भावली धरणात (Bhavali Dam) बुडून ३ तरुणी आणि २ तरुणांचा मृत्यू झाल्याची घटना ताजी असतानाच आज याच इगतपुरी तालुक्यातील मुंढेगाव येथील जिंदाल कंपनीजवळ असलेल्या शासकीय आश्रमशाळा परिसरात एका विहिरीत विवाहित महिलेसह मुलीचा मृतदेह आढळून आल्याची घटना उघडकीस आली आहे. दरम्यान, एकामागोमाग घडलेल्या या घटनेमुळे इगतपुरी तालुका हादरला असून, या घटनेमुळे तालुक्यात एकच खळबळ उडाली आहे. (Igatpuri)
Nashik Bhavli Dam | नाशिकच्या भावली धरणात बुडून ५ जणांचा मृत्यू
समोर आलेल्या अधिक माहितीनुसार, प्रियंका नवनाथ दराणे (वय – २३) आणि वेदश्री नवनाथ दराणे (वय -३) असे मृत्यू झालेल्या आई आणि चिमूरडीचे नाव आहे. या विहिरीला कठडा नसल्याने विहिरीजवळ गेलेली मुलगी विहिरीत पडली आई तिला वाचवण्यासाठी आईने धाव घेत विहरीत उडी मारली असल्याचा प्राथमिक अंदाज वर्तविला जात आहे. या परिसरापासून जवळच असलेल्या शेणवड खुर्द येथील या दोघी रहिवासी आहेत. या दोघींचा मृतदेह विहिरीत आढळल्याने परिसरात एकच खळबळ उडाली असून, पोलीस घटनास्थळी दाखल झाले आहेत आणि त्यांनी तपासाला सुरुवात केली आहे. (Igatpuri)
Kajwa Mahotsav | वन्यजीव विभागाचा निर्णय; काजवा महोत्सवाला रात्री ९ नंतर प्रवेश नाही
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
