Mahayuti Cabinate | संपूर्ण राज्याचे लक्ष लागून असलेल्या महायुती सरकारच्या मंत्रिमंडळाचा शपथविधी आज नागपूर येथे पार पडला. यात 39 मंत्र्यांनी शपथ घेतली. उद्या पासून नागपूर येथे हिवाळी अधिवेशन सुरू होत असून अधिवेशनाच्या पूर्व संध्येला आज मंत्रिमंडळाचा विस्तार होऊन दिमाखदार शपथविधी सोहळा पार पडला. विशेष म्हणजे या मंत्रिमंडळात निम्म्यापेक्षा जास्त म्हणजेच 39 पैकी 20 नव्या चेहऱ्यांना संधी देण्यात आली आहे. तर, एकनाथ शिंदेंच्या कॅबिनेटमधील अनेक महत्त्वाच्या नेत्यांचा पत्ता कट करण्यात आला आहे. दरम्यान, आज नागपूर येथे भाजप 19, शिवसेना 11, आणि राष्ट्रवादीच्या 9 मंत्र्यांनी शपथ घेतली. 33 आमदारांना कॅबिनेट आणि 6 आमदारांना आज राज्यमंत्री पदाची शपथ देण्यात आली.
Mahayuti Cabinate | भाजपकडून ‘या’ आमदारांनी घेतली शपथ
भाजपकडून सर्वप्रथम चंद्रशेखर बावनकुळे यांनी शपथ घेतली. त्यानंतर दुसऱ्या क्रमांकावर भाजपचे ज्येष्ठ नेते राधाकृष्ण विखे पाटील यांनी शपथ घेतली. यानंतर चंद्रकांत पाटील, गिरीश महाजन, गणेश नाईक, मंगलप्रभात लोढा, जयकुमार रावल, पंकजा मुंडे, अतुल सावे, अशोक उईके, आशिष शेलार, शिवेंद्रराजे भोसले, जयकुमार गोरे, संजय सावकारे, नितेश राणे, आकाश फुंडकर यांनी शपथ घेतली. तर, भाजपकडून राज्यमंत्री म्हणून माधुरी मिसाळ, पंकज भोयर, मेघना बोर्डीकर साकोरे यांनी शपथ घेतली. भाजपच्या वाट्याला एकूण 16 कॅबिनेट तर 3 राज्यमंत्री पदं आली.
Oath Ceremony | ‘मी देवेंद्र सरिता गंगाधरराव फडणवीस..’; राज्यात ‘देवेंद्रपर्व 3.0’ला प्रारंभ
शिवसेनेच्या ‘या’ आमदारांनी घेतली शपथ
शिवसेनेकडून गुलाबराव पाटील, दादाजी भुसे, संजय राठोड, उदय सामंत, शंभुराज देसाई, संजय शिरसाठ, प्रताप सरनाईक, भरत गोगावले, प्रकाश आबिटकर यांनी शपथ घेतली. तर, शिवसेनेकडून राज्यमंत्री म्हणून आशिष जैस्वाल, योगेश कदम यांनी शपथ घेतली. शिवसेनेच्या वाट्याला 9 कॅबिनेट आणि 2 राज्यमंत्री पदं आली.
राष्ट्रवादीच्या ‘या’ आमदारांनी घेतली शपथ
तिसऱ्या क्रमांकावर अजित पवारांच्या राष्ट्रवादीचे ज्येष्ठ नेते हसन मुश्रीफ यांनी शपथ घेतली. त्यानंतर धनंजय मुंडे, दत्तात्रय भरणे, अदिती तटकरे, माणिकराव कोकाटे, नरहरी झिरवाळ, मकरंद जाधव, बाबासाहेब पाटील यांनी कॅबिनेट मंत्रिपदाची तर राज्यमंत्री म्हणून इंद्रनील नाईक यांनी शपथ घेतली. राष्ट्रवादीच्या वाट्याला 8 कॅबिनेट आणि 1 राज्यमंत्री पद आले आहे. दरम्यान, यानुसार महायुती सरकारमध्ये 1 मुख्यमंत्री, 2 उपमुख्यमंत्री, 33 कॅबिनेट मंत्री आणि 6 राज्यमंत्री असं मंत्रिमंडळ असणार आहे. तर आजच्या या मंत्रिमंडळ विस्तारात नाशिक जिल्ह्याला 3 कॅबिनेट मंत्रिपद मिळाली आहेत.
Mahayuti | शिंदेंनी मागवलं आमदारांचं प्रगती पुस्तक; ‘या’ नेत्यांना डच्चू अन् नव्या आमदारांना संधी..?
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
