Political News | नांदगाव येथे सोमवारी समीर भुजबळ यांनी उमेदवारी अर्ज दाखल केला. यावेळी आयोजित सभेत मराठा समाज नेते शेखर पगार यांनी भाषण केले होते. या भाषणाअंती शिंदे गटाचे उमेदवार व विद्यमान आमदार सुहास कांदे यांनी फोनवरून शेखर पगार यांना शिवीगाळ केली होती. ही शिविगाळ पगार यांनी भर सभेत सगळ्यांना ऐकवली होती. यावेळी आई- बहिणी वरून शिवीगाळ केल्यामुळे राजकीय वर्तुळात चर्चांना उधाण आले होते.
सुहास कांदेंवर गुन्हा दाखल
सदरप्रकरणी विनोद शेलार आणि शेखर पगार यांनी काल रात्री विद्यमान आमदार सुहास कांदे यांच्या विरोधात तक्रार दाखल केली असून सुहास कांदे यांच्याविरोधात गुन्हा दाखल झाला आहे. सुहास कांदे यांनी मराठा नेते शेखर पगार आणि समीर भुजबळ यांचे समन्वयक विनोद शेलार यांना केलेल्या शिवीगाळ व धमकी दिल्या प्रकरणी नांदगाव पोलीस ठाण्यात गुन्हा नोंदविण्यात आला आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
