अंकिता मर्डर केस मध्ये भाजपा नेत्याचा हात ? ; पुरावे दडपले जाताय कुटुंबीयांचा आरोप

Uttarakhand Ankita Murder Case: उत्तराखंडमधील ऋषिकेश येथील एका रिसॉर्टमध्ये रिसेप्शनिस्ट म्हणून काम करणाऱ्या 19 वर्षीय अंकिता खून प्रकरणात पाच मोठे प्रश्न उपस्थित होत आहेत. अंकिताचा मृतदेह कालव्यातून सापडला. त्यांच्या मृतदेहाच्या पोस्टमार्टमचा प्राथमिक अहवाल समोर आला आहे. प्राथमिक अहवालात अंकिताचा मृत्यू पाण्यात बुडून झाल्याचं सांगण्यात येत असून अंगावर जखमेच्या खुणा असल्याचंही सांगण्यात आलं आहे. अंकिताला दुखापत कशी झाली हे मात्र स्पष्ट झालेले नाही.

उत्तराखंडच्या श्रीनगर येथील रहिवासी असलेल्या अंकिता भंडारीने 2020 मध्ये चांगल्या गुणांनी 12वी उत्तीर्ण झाल्यानंतर हॉटेल मॅनेजमेंटचा कोर्स केला. 28 ऑगस्ट रोजी अंकिताने ऋषिकेश येथील वनांतरा रिसॉर्टमध्ये रिसेप्शनिस्ट म्हणून काम सुरू केले. अंकिताला अजून पहिला पगारही मिळाला नव्हता. भाजप नेते आणि माजी मंत्री विनोद आर्य यांचा मुलगा पुलकित आर्य हा रिसॉर्टचा मालक आहे. पुलकित आर्य, रिसॉर्टचे व्यवस्थापक सौरभ भास्कर आणि कर्मचारी अंकित गुप्ता यांच्यावर अंकिताच्या हत्येचा आरोप आहे. तिन्ही आरोपींना पोलिसांनी अटक केली आहे.

या प्रकरणात पुलकित आर्यचे नाव पुढे आल्यानंतर प्रशासनाने शुक्रवारी रात्री बुलडोझरची कारवाई करत त्याचे रिसॉर्ट जमीनदोस्त केले. शनिवारी संतप्त जमावाने रिसॉर्ट पेटवून दिले. पुरावे नष्ट होण्याची भीती असल्याने अंकिताच्या कुटुंबीयांनी रिसॉर्टवर केलेल्या बुलडोझरच्या कारवाईवर प्रश्नचिन्ह उपस्थित केले आहे.

अंकिता भंडारी खून प्रकरणाबाबत हे पाच मोठे प्रश्न उपस्थित होत आहेत

प्रशासनाने रिसॉर्टवर केलेल्या बुलडोझरच्या कारवाईवर अंकिताच्या कुटुंबीयांनी प्रश्न उपस्थित केला आहे. ज्या खोलीतून पुरावे सापडणार होते ती खोली तोडण्यात आल्याचे नातेवाईकांचे म्हणणे आहे.

शनिवारी संतप्त जमावाने रिसॉर्ट पेटवून दिले आणि पुरावे जाळण्याच्या उद्देशाने हे केले गेले का, असा सवाल उपस्थित केला.

महसूल विभाग उत्तराखंडच्या अंतर्गत भागात कायदा आणि सुव्यवस्थेची देखरेख करतो. पटवारीवर आरोप आहे की, सुरुवातीचे दोन दिवस त्याने हे प्रकरण दडपण्याचा प्रयत्न केला आणि अंकिताची केस बेपत्ता असल्याचे म्हटले. हे प्रकरण इतर पोलिसांकडे सुपूर्द केल्यावर त्याला वेग आला आणि आरोपींना अटक करण्यात आली.

प्रशासनाच्या कारवाईबरोबरच सरकारच्या कार्यपद्धतीवरही प्रश्नचिन्ह उपस्थित केले जात आहे. रिसॉर्ट का पाडण्यात आले, पुरावे नष्ट करण्याच्या उद्देशाने असे करण्यात आले का, असा सवाल अंकिताच्या कुटुंबीयांकडून केला जात आहे. त्याचवेळी सीएम पुष्कर धामी यांनी या प्रकरणाच्या चौकशीसाठी एसआयटी स्थापन करण्याचे निर्देश दिले आहेत. या प्रकरणाची सुनावणी जलदगती न्यायालयात केली जाईल, असे त्यांनी सांगितले.

अंकिताच्या पार्थिवावर रविवारी अंत्यसंस्कार करण्यात येणार होते, मात्र प्राथमिक पोस्टमार्टम रिपोर्ट आल्यानंतर कुटुंबीयांनी तिला थांबवले. पोस्टमार्टम रिपोर्टवरही प्रश्न उपस्थित केले जात आहेत. कुटुंबीयांनी पुन्हा शवविच्छेदन करण्याची मागणी केली आहे.

केसमध्ये लैंगिक छळ

अंकिताच्या एका मैत्रिणीने मीडियासोबत काही माहिती शेअर केली. अंकिताने तिच्या मैत्रिणीला चॅटद्वारे तिची परिस्थीती सांगितली होती. चॅटनुसार, अंकितावर व्हीआयपी पाहुण्यांना स्पा सेवा देण्यासाठी दबाव टाकण्यात आला होता. अंकिताला वेश्या बनवण्यासाठी 10 हजार रुपयांचे आमिष देण्यात आले. इतकंच नाही तर पाहुण्याला सांभाळलं नाही तर तिला नोकरीवरून काढून टाकलं जाईल, अशी धमकी अंकिताला देण्यात आली. एके दिवशी रिसॉर्टमध्ये एका मद्यपीने अंकिताच्या गळ्यात बळजबरीने हात टाकला. अंकिता पूर्वी रिसॉर्टमध्ये ओरडताना दिसली होती.

अंकिताला शेवटचे कधी पाहिले होते?

रिसॉर्टच्या एका कर्मचाऱ्याने सांगितले की, 18 सप्टेंबरच्या संध्याकाळी आरोपी पुलकित आर्य, सौरभ भास्कर आणि अंकित गुप्ता अंकिताला बाईकवर कुठेतरी घेऊन गेले होते, जेव्हा ते परत आले तेव्हा अंकिता त्यांच्यासोबत नव्हती. पोलिसांनी ऋषिकेशच्या वाटेवर बसवलेले सीसीटीव्ही कॅमेरे तपासले तेव्हा चार जण रिसॉर्टमधून बाहेर पडताना दिसले पण फक्त तीनच परत आले. यानंतर अंकिताच्या बेपत्ता झाल्याचा अहवाल दुसऱ्या दिवशी दाखल करण्यात आला.