Rajabhau Waje | नाशिक लोकसभेत शिवसेना विरुद्ध शिवसेना अशी थेट लढत होणार असून, मतदानासाठी आता काहीच तास शिल्लक आहेत. या पार्श्वभूमीवर मविआचे दोन्ही बडे नेते नाशिकमध्ये तळ ठोकून आहेत. काल राजाभाऊ वाजे यांच्या प्रचारार्थ उद्धव ठाकरे यांची तर, भास्कर भगरेंच्या प्रचारार्थ शरद पवारांची जाहीर सभा पार पडली.
दरम्यान, यातच अता नशिक लोकसभेतून मोठी बातमी समोर आली असून, यानुसार महाविकास आघाडीचे नाशिक लोकसभेचे उमेदवार राजाभाऊ वाजे यांनी सकल समाजाने जाहीर पाठिंबा दिला आहे. उमेदवारी आधी जाहीर झाली. तसेच महायुतीच्या उमेडवाराच्या तुलनेत प्रचारासाठी अधिक वेळ मिळाल्याने नाशिक लोकसभा मतदारसंघात महाविकास आघाडीचे राजाभाऊ वाजे यांनी प्रचारामध्ये आघाडी घेतली आहे.
Rajabhau Waje | गोडसेंवर नाराज नेत्यांचा वाजेंना पाठिंबा..?; वाजेंचे सूचक वक्तव्य..?
Rajabhau Waje | मराठा समाजाची ताकत वाजेंमागे उभी राहणार
तसेच त्यांना मतदारसंघातील राजकीय वातावरण त्यांच्यासाठी अनुकूल असल्याचे दिसत आहे. यातच आता सकल मराठा समाजानेही पत्रकार परिषद घेत महाविकास आघाडीचे उमेदवार राजाभाऊ वाजे यांना पाठिंबा देत असल्याची माहिती दिली. त्यामुळे सकल मराठा समाजाची ताकत आता महाविकास आघाडीच्या उमेदवारामागे उभी राहणार असल्याने वाजेंना नाशिक लोकसभेत मोठे बळ मिळणार असल्याचे स्पष्ट आहे.
Rajabhau Waje | नाशिक, दिंडोरीत आज महाविकास आघाडीचे जोरदार शक्तिप्रदर्शन
मराठा समाजाच्या पाठिंब्यामुळे मोठे बळ मिळणार
सकल मराठा समाजाचे पदाधिकारी चंद्रकांत बनकर, डॉ. सचिन देवरे आणि इतर मराठा समाजाच्या पदाधिकाऱ्यांनी पत्रकार परिषद घेऊन नाशिक लोकसभा मतदारसंघात महाविकास आघाडीचे राजाभाऊ वाजे यांना पाठिंबा देणार असल्याची घोषणा केली. त्यामुळे आता राजाभाऊ वाजे यांना वाढता प्रतिसाद बघता महायुतीसमोर वाजे यांचे मोठे कडवे आव्हान असल्याचं पाहायला मिळत आहे. सकल मराठा समाजाच्या पाठिंबामुळे राजाभाऊ वाजे यांचा विजय निश्चित असल्याची भावना देखील समाज बांधवांनी यावेळी व्यक्त केली. राजाभाऊ वाजे यांना मराठा समाजाच्या पाठिंब्यामुळे मोठे बळ मिळणार यात तिळमात्र शंका नाही.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
