Pratap dada news: धुळे लोकसभा मतदारसंघाचे माजी खासदार तसेच पदवीधर मतदार संघाचे माजी आमदार प्रतापदादा सोनवणे यांचे आज पहाटे हृदयविकाराच्या झटक्याने निधन झाले आहे. अतीशय प्रेमळ आणि मितभाषी प्रताप दादा यांची राजकीय कारकीर्द अतीशय चांगली राहिली असून ते भारतीय जनता पक्षाचे खासदार राहिले आहेत.
माजी खासदार प्रतापदादा सोनवणे यांचे निधन झाल्याची बातमी वाऱ्यासारखी व्हायरल झाली असून त्यांच्या आठवणींनी चाहते भावनिक झाले आहेत. नाशिक जिल्हा मराठा विद्या प्रसारक संस्थेचे माजी अध्यक्ष तसेच नाशिक पदवीधर मतदारसंघातून दोन वेळा विधानपरिषद सदस्य राहिलेले प्रतापदादा सोनवणे यांचे आज सकाळी अल्पशा आजाराने निधन झाले. त्यांच्या निधनाची बातमी समजताच नाशिक जिल्हा पालकमंत्री दादाजी भुसे यांनी सोनवणे कुटुंबीयांशी संवाद साधला असून दादांना श्रध्दांजली वाहिली आहे.
प्रताप दादा सोनवणे यांच्या जाण्याने जिल्ह्याचे मोठे नुकसान झाल्याची भावना यावेळी पालकमंत्री भुसे यांनी व्यक्त केली आहे. अंत्ययात्रा राहत्या घराजवळून कामधेनु बंगला डिसूजा कॉलनी, जेहान सर्कल सर्कल जवळ, गंगापूर रोड येथून दुपारी तीन वाजता निघणार असल्याची माहिती देण्यात आली आहे.
प्रताप दादांच्या जाण्याने जिल्ह्याची मोठी हानी….
माजी खासदार व मराठा विद्या प्रसारक संस्थेचे माजी सभापती प्रताप दादांच्या निधनाची बातमी ऐकली, सकाळी सकाळी ही बातमी मन सुन्न करणारी ठरली दादांची कारकीर्द मी फार जवळून पाहिली दादांनी कधीही सत्ता किंवा कसला मोह ठेवला नाही. आपले आयुष्य जनतेप्रती समर्पित केले शेवटच्या श्वासापर्यंत त्यांनी जनतेच्या विकासासाठी लढा दिला. दादा आपल्यातून आज निघून गेले यावर विश्वास बसत नाही. एक चांगला व स्वच्छ प्रतिमा असलेला नेता आपण गमावला आहे. त्यांच्या जाण्याने समाजाची फार मोठी हानी झाली दादानां भावपूर्ण श्रद्धांजली …! त्यांच्या कुटुंबीयांना या धक्क्यातून सावरण्याची ताकद मिळो हीच ईश्वचरणी पार्थना…
– दादाजी भुसे, पालकमंत्री नाशिक
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
