Nashik News | नाशिक, दिंडोरी लोकसभेच्या मतमोजणीसाठी जिल्हा प्रशासन सज्ज; इतक्या फेऱ्यांत होणार मतमोजणी

 ईटीपीबीएमएस स्कॅनिंग व पोस्टल मतमोजणीसाठी नाशिक आणि दिंडोरी या दोन्ही मतदारसंघासाठी प्रत्येकी १० टेबल ठेवण्यात आले आहे. तर पोस्टल मतमोजणीसाठी एक सहाय्यक निवडणूक निर्णय अधिकारी, एक पर्यवेक्षक, दोन मतमोजणी सहाय्यक, एक सूक्ष्म निरीक्षक असे एकूण ५ कर्मचारी नियुक्त करण्यात आले आहेत. दिंडोरी लोकसभा मतदारसंघासाठी मतमोजणीच्या २६ फेऱ्या होणार आहे. तर, नाशिक लोकसभा मतदारसंघात मतमोजणीच्या सर्वाधिक ३० फेऱ्या पार पडणार आहे. (Nashik News)

दिंडोरी लोकसभा मतदारसंघासाठी होणाऱ्या विधानसभा मतदारसंघनिहाय मतमोजणी फेऱ्या – 

1. नांदगाव – २४ फेऱ्या,
2. कळवण (अ. ज.) – २५ फेऱ्या,
3. चांदवड – २२ फेऱ्या,
4. येवला – २३ फेऱ्या,
5. निफाड – २० फेऱ्या
6. दिंडोरी (अ. ज.) – २६ फेऱ्या

नाशिक लोकसभा मतदारसंघासाठी होणाऱ्या विधानसभा मतदारसंघनिहाय मतमोजणी फेऱ्या – 

1. सिन्नर – २३ फेऱ्या,
2. नाशिक पूर्व – २४ फेऱ्या,
3. नाशिक मध्य – २२ फेऱ्या,
4. नाशिक पश्चिम – ३० फेऱ्या,
5. देवळाली (अ. जा.) – २० फेऱ्या
6. इगतपुरी – त्र्यंबक ( अ. ज.) – २१ फेऱ्या