Nashik Kumbhamela | सिंहस्थ कुंभमेळा हा त्र्यंबकेश्वर येथे दर बारा वर्षांनी घडणारा हिंदु धर्मींयांचा मेळा असतो यातच नाशिक शहरातील गोदावरीच्या उगमस्थानावर त्र्यंबकेश्वर येथे हा मेळा भरत असतो. मागील नाशिकमधील कुंभमोळा हा २०१५ मध्ये भरला होता. आता पुढील २०२७ मध्ये होणाऱ्या सिंहस्थ कुंभमेळ्याच्या नियोजनासाठी राज्य शासनाने मुख्यमंत्री एकनाथ शिंदे यांच्या अध्यक्षतेखाली ४५ सदस्यांच्या शिखर समितीसह राज्याच्या मुख्य सचिवांच्या अध्यक्षतेखाली उच्चाधिकार समिती, ग्रामविकास मंत्री गिरीश महाजन यांच्या अध्यक्षतेखाली जिल्हास्तरीय समिती आणि नाशिकचे जिल्हाधिकारी जलज शर्मा यांच्या अध्यक्षतेखाली जिल्हास्तरीय कार्यकारी समिती जाहीर केलेल्या आहेत.
दरम्यान कुंभमेळ्यासाठीच्या या समित्यांची घोषणा करताना नगरविकास विभागाने मंत्री छगन भुजबळ यांना शिखर समितीत घेत नाशिकचे पालकमंत्री दादा भुसे यांना जिल्हास्तरीय समितीचे सहअध्यक्षपद देण्यात आलेले आहे. २०२७ मधील सिंहस्थ कुंभ मेळयासाठी येणाऱ्या साधुसंत, लाखो भाविक तसेच पर्यटक यांच्या सोयी-सुविधा उभारण्यासह कायदा आणि सुव्यवस्था राखण्यासाठी नियोजन आणि अंमलबजावणी ह्या जबाबादऱ्या या समित्यांकडे असणार आहेत.
नाशिक शहरातील २०२७ मधील येत्या कुंभमेळ्यासाठी राज्याच्या नगरविकास विभागाकडून शिखर समितीची घोषणा करण्यात आली असताना नाशिक तसेच त्र्यंबकेश्वर या दोन्ही ठिकाणी सिंहस्थ कुंभमेळा भरत असून नाशिकमध्ये महापालिकेची भूमिका ही महत्त्वाची असते तर जिल्हा प्रशासनामार्फत त्र्यंबकेश्वर येथे सुविधा पुरवल्या जात असतात. या जिल्हास्तरीय समितीच्या अध्यक्षपदी ग्रामविकास मंत्री गिरीश महाजन यांची नियुक्ती करण्यात आली असून नाशिकचे पालकमंत्री दादा भुसे या समितीचे सहअध्यक्ष असणार आहेत. याशिवाय नाशिक जिल्ह्यातील सर्व आमदार, खासदार, विभागीय आयुक्त, महापालिका आयुक्त, जिल्हाधिकारी यात सदस्य असणार आहेत.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
