Maratha Rally | मराठ्यांचं ‘भगवं वादळ’ उद्या नाशकात धडकणार; असा आहे रॅलीचा मार्ग

Maratha Rally : नाशिक |  मराठा समाजाला (Maratha Reservation) ओबीसीमधून आरक्षण द्यावे, सगेसोयऱ्यांची मागणी मान्य करावी यासाठी मराठा आंदोलक मनोज जरांगे यांच्या नेतृत्वाखाली राज्यभरात शांतता जनजागृती रॅली काढण्यात येत आहे. आज मनोज जरांगे (Manoj Jarange) यांची शांतता जनजागृती रॅली ही अहमदनगरमध्ये असून, उद्या ही रॅली नाशिकमध्ये दाखल होणार आहे.

उद्या मंगळवारी (दि.१३) रोजी सकाळी तपाेवनातून जिल्हाधिकारी कार्यालयाकडे हा मोर्चा मार्गस्थ होणार आहे. सोलापूर, सांगली, कोल्हापूर, सातारा, पुणे आणि आज अहमदनगर तर उद्या नाशिकमध्ये मनोज जरांगे पाटील यांच्या शांतता जनजागृती रॅली महाराष्ट्र दौऱ्याची शेवटची रॅली होणार आहे. तर, यानंतर 29 ऑगस्टला मनोज जरांगे पाटील आपली पुढील भूमिका जाहीर करणार आहे. (Maratha Rally)

दरम्यान, इतर शहरांमधील गर्दी पाहता या यात्रेला मोठ्या संख्येने मराठा समाज बांधवांची उपस्थिती लाभत असून, उद्या नाशिकमध्येही हजारोंच्या संख्येने मराठा समाज सहभागी होण्याची शक्यता नाकारता येत नाही. या पार्श्वभूमीवर शहरातील  वाहतुकितीत काही बदल करण्यात आले आहेत. सकाळी आठ वाजेपासून रॅलीसह काही महत्त्वाच्या मार्गांवर प्रवेश बंदी करण्यात येणार असून, त्याबाबत शहर वाहतूक शाखेचे पाेलीस उपायुक्त चंद्रकांत खांडवी यांनी अधिसूचनाही जारी केली आहे. (Maratha Rally)

Manoj Jarange | मनोज जरांगेंचे उपोषण स्थगित; भाजप, आमदारांविरोधात ठोकला शड्डू!

Team The Point Now

सर्वसामान्यांसाठीचे एक व्यासपीठ.. जिथे होईल प्रत्येक मुद्दा अधोरेखित..

See Full Bio