सोमनाथ जगताप – प्रतिनिधी : देवळा | राष्ट्रवादी युवक काँग्रेसचे देवळा तालुका अध्यक्ष तेजस आहिरे यांच्या वाढदिवसानिमित्त देवपूरपाडे (ता. देवळा) येथे आयोजित नेत्र तपासणी शिबिराला नागरिकांचा उत्स्फूर्त प्रतिसाद लाभला. देवपूरपाडे येथील राष्ट्रवादी युवक काँग्रेसचे तालुका अध्यक्ष तेजस आहिरे यांचा वाढदिवस बुधवार (दि.२९) रोजी सामाजिक उपक्रमांनी साजरा करण्यात आला. यावेळी आयोजित नेत्र तपासणी शिबिराचे उद्घाटन देवळा बाजार समितीचे सभापती योगेश आहेर यांच्या हस्ते करण्यात आले. प्रमुख पाहुणे म्हणून बाजार समितीचे संचालक शाहू शिरसाठ, नगरसेवक संतोष शिंदे आदींसह गावातील सरपंच, उपसरपंच, ग्रामपंचायत सदस्य, विकास सोसायटीचे चेअरमन, व्हा. चेअरमन, संचालक मंडळ तसेच ग्रामस्थ, युवक मोठ्या संख्येने उपस्थित होते.
Deola | राष्ट्रवादी युवक काँग्रेसच्या देवळा तालुकाध्यक्ष पदी तेजस आहिरे यांची नियुक्ती
वाढदिवसानिमित्त आयोजित नेत्र तपासणी शिबिराला नागरीकांचा उत्स्फूर्त प्रतिसाद लाभला. शिबिरात जवळपास दीडशे पुरुष, महिलांनी आपल्या डोळ्यांची तपासणी करून घेतली. याकामी नाशिक येथील प्रसिद्ध बिर्ला आय हॉस्पिटलच्या टीमने नेत्र तपासणी कामी परिश्रम घेतले. तेजस आहिरे यांनी वाढदिवसाला आवश्यक खर्चाला फाटा देत सामाजिक उपक्रम राबवून वाढदिवस साजरा केला. याचे गावकऱ्यांनी कौतुक केले. आहिरे यांना राजकिय, सामाजिक, शैक्षणिक व सहकार क्षेत्रातील जाणकारांनी प्रत्येक्ष भेटून व सोशल मीडियावर शुभेच्छा दिल्या.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
