सोमनाथ जगताप – प्रतिनिधी : देवळा | भावडे येथील एस.के.डी. इंटरनॅशनल स्कूल व व्ही.के.डी. इंग्लिश मीडियम स्कूल अँड ज्युनिअर कॉलेज मध्ये प्रजासत्ताक दिनानिमीत्त विविध कार्यक्रमांचे आयोजन करण्यात आले. कार्यक्रमास प्रमुख अतिथी म्हणून संस्थेचे अध्यक्ष संजय देवरे, सचिव मीना देवरे, प्राचार्य एस.एन.पाटील, व्ही.के.डी. विद्यालयाचे प्राचार्य एन.के.वाघ, मंगेश शिंदे, सागर कैलास, बबलू देवरे उपस्थित होते. सेक्रेटरी मीना देवरे यांनी स्काऊट गाईडचे तर संस्थेचे अध्यक्ष संजय देवरे यांनी मुख्य ध्वजारोहण केले. विद्यार्थ्यांनी राष्ट्रगीत, ध्वजगीत, राज्य गीत गाऊन राष्ट्रध्वजाला सलामी दिली. या प्रसंगी विद्यालयातील विविध स्पर्धांमध्ये यशस्वी विद्यार्थ्यांना प्रमुख पाहुण्यांच्या हस्ते पारितोषिक वितरण करण्यात आले.
Deola | देवळा येथे क्रिकेट खेळण्यासाठी गेलेल्या तरुणाचा हृदयविकाराने मृत्यू
विद्यार्थ्यांनी दिमाखदार संचलन करून कार्यक्रमाची शोभा वाढविली. विद्यार्थिनी किंजल मोरे, प्रियल साळुंखे यांनी व विद्यालयाचे शिक्षक शाम रिठे यांनी आपले मनोगत व्यक्त केले. कार्यक्रमासाठी सांस्कृतिक व पूर्व प्राथमिक विभाग प्रमुख शोभा जाधव यांचे मार्गदर्शन लाभले. क्रांती सूर्यवंशी, प्रियंका निकम यांनी सूत्रसंचालन केले. संस्थेचे अध्यक्ष संजय देवरे यांनी विद्यार्थ्यांना मार्गदर्शन केले. याकामी क्रीडा शिक्षक मुदसर सय्यद, धनंजय परदेशी, यज्ञेश आहेर, निलेश भालेराव, ययाती जाधव, राजू देवरे, संगीत शिक्षक रतन भोईर आदींसह सर्व शिक्षक, शिक्षकेतर कर्मचारी हेमंत शिंदे, सागर देवरे यांचे मोलाचे सहकार्य लाभले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
