Nashik Crime News| गाडीचा कट लागल्यामुळे उद्भवलेल्या वादातून नाशिक शहरातील शिवशक्ती चौक परिसरात एका युवकावर दोघांसह एका विधीसंघर्षित बालकाने धारदार शस्त्राने तरूणावर प्राणघातक हल्ला केला. ह्या मारहाणीत युवक गंभीर जखमी असून, नाशिक येथे जिल्हा शासकीय रुग्णालयात तत्याच्यावर उपचार सुरू आहेत.
फिर्यादी मयूर भागवत चौधरी (वय २३, शिवशक्ती चौक) यांचा भाचा आदित्य पाटील याचे संशयित आरोपी तौसिफ शेख, हेमंत गोला आणि एक विधिसंघर्षित यांच्यासोबत गाडीचा कट लागल्यामुळे भांडण झाले होते.
महाराष्ट्रभर आंदोलनं आणि जाळपोळ…; मुख्यमंत्री अलर्ट मोडवर! प्रशासनाला अलर्ट राहण्याच्या सूचना
त्यानंतर संशयित फिर्यादी यांच्या घराच्या परिसरात जाऊन शिवीगाळ करत होते. ही बाब फिर्यादी यांचा भाऊ ओम याला समजल्यामुळे तो वाद मिटविण्याकरिता गेला असता, संशयितांनी त्याला मारहाण व शिवीगाळ करण्यास सुरुवात केली.
संशयित तौसिफ शेख, हेमंत गोला यांनी धारदार शस्त्राने ओम यावर प्राणघातक हल्ला केला. दरम्यान, फिर्यादी मयूर चौधरी भावाला वाचविण्यासाठी गेले असता, त्यांनाही जोरदार धक्का दिला. त्यानंतर नादाला लागला तर मुडदा पाडू, अशी धमकीही दिली.जखमी ओम याला शासकीय रुग्णालयात उपचारासाठी दाखल केले असून, संशयीतांना अंबड पोलिसांनी ताब्यात घेऊन गुन्हा दाखल केलेला आहे.
Breaking News | चांदवड येथे मराठा आंदोलकांनी टायर जाळले तर नाशकात भव्य पायी मूक मोर्चा
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
