द पॉईंट नाऊ प्रतिनिधी (नाशिक) : पंतप्रधान नरेंद्र मोदी यांचा उद्या मंगळवारी देहू दौरा आहे. तर आता केंद्रीय गृहमंत्री अमित शहा हे लवकरच नाशिक दौऱ्यावर येणार आहेत. येत्या 21 जून अर्थात योग दिनाला ते त्र्यंबकेश्वर येथे येणार आहेत.
याबाबत अधिक माहिती अशी की, त्र्यंबकेश्वर येथील श्री स्वामी समर्थ सेवा मार्गाच्या गुरुपीठ येथे केंद्रीय गृहमंत्री अमित शहा यांच्या हस्ते विविध उपक्रमांचा शुभारंभ केला जाणार आहे. अमित शहा यांच्या या दौऱ्याच्या पार्श्वभूमीवर केंद्रीय आणि स्थानिक शासकीय प्रशासनाची तयारी चालू आहे.
चंद्रकांतदादा मोरे आणि डॉ. दिकपाल गिरासे यांनी नुकतीच दिल्ली येथे केंद्रीय गृहमंत्री अमित शहा यांची भेट घेतली होती. यावेळी मोरे आणि गिरासे यांनी अमित शहा यांनी श्री स्वामी सेवा मार्गाच्या विविध कामांबाबत माहिती देतांना, श्री स्वामी समर्थ गुरुपीठास भेट देण्याचे आमंत्रण देखील दिले. त्याच पार्श्वभूमीवर अमित शहा यांचा हा दौरा असणार आहे.
दरम्यान, अमित शहा यांच्या या भेटीवेळी सर्व प्रमुख नेतेमंडळी, महाराष्ट्र सरकारमधील मंत्री, आमदार, खासदार, प्रमुख अधिकारी वर्ग उपस्थित राहणार असल्याचे सांगण्यात येत आहे.
दरम्यान, पंतप्रधान नरेंद्र मोदी हे देखील मंगळवारी (दि. 14 जून) रोजी देहू येथे श्री संत तुकाराम महाराज शिळा मंदिर लोकार्पण सोहळ्यासाठी येत आहेत. या पार्श्वभूमीवर देहू येथे कडक पोलीस बंदोबस्त ठेवण्यात आला आहे. यासाठी येथील मंदिर भाविकांच्या दर्शनासाठी बंद ठेवण्यात आले आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम