अंबड येथील चुंचाळे शिवारात राहणाऱ्या सोळा वर्षीय शाळकरी मुलाने राहत्या घरात शुक्रवारी मध्यरात्रीच्या सुमारास ओढणीच्या साह्याने गळफास घेऊन आत्महत्या केल्याची घटना शनिवारी उघडकीस आली. अंबड पोलीस ठाण्यात याबाबत अकस्मात मृत्यूची नोंद करण्यात आली आहे.
यश विजय गायकवाड (१६)असे मयत झालेल्या मुलाचे नाव आहे. याबाबत पोलिसांनी सांगितले की, विजय गायकवाड हे अंबड येथील चुंचाळे शिवारात कुटुंबासह राहतात. यश हा इयत्ता दहावीत शिक्षण घेत आहे. दरम्यान शुक्रवारी रात्री घरातील सर्व कुटुंबे झोपल्यानंतर यश हा देखील त्याच्या बेडरूम मध्ये अभ्यास करण्यासाठी गेला. दरम्यान शुक्रवारी मध्यरात्रीच यशने बेडरूम मध्येच छताच्या लोखंडी हुकला ओढणीच्या साह्याने गळाफास घेऊन आत्महत्या केली.
शनिवारी सकाळी वडील विजय गायकवाड व आई ह्या त्याला उठवण्यासाठी गेल्या असता यश याने गळफास घेतलयाचे त्यांच्या लक्षात आले. यानंतर कुटुंबीयांनी त्यास तात्काळ उपचारासाठी शासकीय जिल्हा रुग्णालयात दाखल केले. परंतु उपचार करण्यापूर्वीच डॉक्टरांनी यश यास मयत घोषित केले.
मयत यश याच्या पश्चात आई वडील भाऊ असा परिवार आहे. दरम्यान यश याने आत्महत्या का केली याचा पोलीस शोध घेत आहे. पुढील तपास पोलीस निरीक्षक राजू पाचोरकर यांच्या मार्गदर्शनाखाली पोलीस नाईक तुकाराम शेळके करीत आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
