राम शिंदे
सर्वतीर्थ टाकेद : इगतपुरी तालुक्याच्या पूर्व भागातील टाकेद खुर्द तातळेवाडी येथे रविवार सर्वपित्री अमावस्या निमित्ताने वै.ह.भ.प. भानुदास महाराज गायके यांचे प्रथम पुण्यस्मृती प्रित्यर्थ ह भ प कु मधुसूदन महाराज गायके (विद्यार्थी) श्री.ज्ञानोबा तुकाराम वारकरी शिक्षण संस्था त्र्यंबकेश्वर यांच्या वतीने भव्य वारकरी कीर्तन, प्रवचन, पुरस्कार वितरण सोहळा आयोजित करण्यात आला.
या कार्यक्रमात ह भ प कु लक्ष्मीताई महाराज वाढेकर यांचे कीर्तन झाले. यांतर बक्षीस वितरण कार्यक्रम पार पडला. यात जेष्ठ कीर्तनकार म्हणून ह भ प चिमणसिंग महाराज परदेशी, जेष्ठ गायनाचार्य ह भ प नामदेव महाराज साबळे, जेष्ठ मृदुंगाचार्य ह भ प प्रल्हाद महाराज कोरडे यांना न्यू इंग्लिश स्कूल व ज्युनिअर कॉलेज टाकेदचे प्राचार्य तुकाराम साबळे यांच्या हस्ते शाल श्रीफळ, पुष्पगुच्छ केलेंडर देऊन पुरस्कार वितरण करण्यात आले.यावेळी उपस्थिती म्हणून माजी आमदार शिवराम झोले, शिवसेना उपजिल्हाप्रमुख निवृत्ती पाटील जाधव,काँग्रेसचे भास्कर गुंजाळ, सुनील जाधव, सरपंच सचिन बांबळे, उपसरपंच कैलास पांडे, सामाजिक कार्यकर्ते रतन बांबळे,भास्कर शेठ महाले, आदींसह बहुसंख्य वारकरी भाविक भक्तगण उपस्थित होते.
सकाळपासून ते सायंकाळपर्यंत हरिपाठ, भजन, कीर्तन, प्रवचन त्यानंतर भोजन कार्यक्रम उत्साहात संपन्न झाला. कार्यक्रमाला ह भ प पुरुषोत्तम महाराज गायके यांनी सूत्रसंचालन व आभार प्रदर्शन केले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
