शनिवार पहाटे मुंबई नागपूर महामार्गावर मेहकर शहरानजीक असलेल्या गजानन महाराज मंदिराजवळ एक भीषण अपघात घडला. यात तिघांचा बळी गेलाय तर दोघे गंभीर जखमी झालेत. अल्टो कार व लक्झरी बसची समोरासमोर धडक झाल्याने हा अपघात घडला आहे.
मुंबई नागपूर महामार्गावर बुलढाण्यातील मेहकरजवळ अल्टो कार व लक्झरी बसची समोरासमोर धडक झाल्याने मोठा अपघात घडल्याचे समोर आले. या अपघातात इंदल चव्हाण वय (38), योगेश विसपुते वय (32), विशाल विसपुते वय (38) यांचा जागीच मृत्यू झाला. तर ज्ञानेश्वर रघुनाथ चव्हाण, मिथुन रमेश चव्हाण हे तीनही गंभीर जखमी झाले आहेत. गंभीर जखमींना उपचारासाठी औरंगाबाद येथील रुग्णालयात हलविण्यात आलं आहे.
लक्झरी बस पुण्याहून नागपूरकडे जात होती तर कार नागपूरकडून मेहकरकडे येत असताना भल्या पहाटे हा अपघात घडला. अपघात इतका भीषण होता की धडक होताच कार ही लक्झरी बसमध्ये घुसली होती. त्यामुळे कारमधील जखमींना बाहेर काढण्यात अडचणी निर्माण झाल्याने तिघांचा जागेवरच मृत्यू झाला. अपघातानंतर तात्काळ मेहकर पोलिसांनी घटनास्थळी धाव घेत मदत पोहोचवली. कारमधील पाच जण हे जळगाव जिल्ह्यातील चाळीसगाव परिसरातील असल्याची माहिती समोर आली आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
