नाशिक प्रतिनिधी : राज्यात कधी अवकाळी तर कधी उष्मघात यामुळे मानवी जीवन पूर्णतः विस्कळीत झाले आहे. मागील आठवड्यात नाशिक जिल्ह्यासह (Nashik District) संपूर्ण राज्यात विविध भागात अवकाळी पाऊस (Unseasonal Rain), गारपीट झाली. त्यात शेतकरी संकटात सापडलेला असल्याने शेतपिकावर अनेक आजार उदभवले आहेत. पावसाने वातावरणात बदल झाले असून सध्या रात्री थंडी (Cold) तर दिवसा ऊन, प्रचंड उष्णता असल्याने मानवाला देखील अनेक शारीरिक त्रास जाणवत आहेत…
वातावरणात प्रचंड बदल झाल्याने पुढील तीन दिवस जिल्ह्यात तापमान (Temperature) मोठ्या प्रमाणात वाढणार आहे, असल्याचा अंदाज हवामान तज्ञ माणिकराव खुळे (Manikrao Khule) यांनी व्यक्त केला आहे. यामुळे नागरिकांनी बाहेर पडतांना स्वतःची काळजी घेण्याचे आवाहन नागरिकांनी केले आहे.
गुजरात राज्य व महाराष्ट्रातील नंदुरबार जिल्ह्यासह नाशिक जिल्ह्यातील पेठ, सुरगाणा, त्र्यंबकेश्वर, इगतपुरी, नाशिक, व कसमादे ठाणे मुंबई तालुके व शहरी क्षेत्र तसेच संपूर्ण कोकणातील रायगड, रत्नागिरी, सिंधुदुर्ग जिल्ह्यात पुढील ३ दिवस गुरुवार पासून १७ मार्चपर्यंत ३८ ते ४० डिग्री तापामानापर्यंत वाढ होऊन चांगलीच उष्णता जाणवू शकते.
पुढील ८ दिवस म्हणजे सोमवार दि. २१ मार्चपर्यंत महाराष्ट्रात ढगाळ वातावरण अथवा अवकाळी पाऊस किंवा गारपीटीची शक्यता नाही. त्यामुळे पिके काढणी करावी, असे खुळे यांनी म्हटले आहे…
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
