नाशिक-पुणे रेल्वे प्रकल्पासाठी तातडीने मंजुरी द्या!

देशातील विविध राज्यांमध्ये रेल्वेचे जाळे वाढण्यासाठी शासन प्रयत्नशील आहे. खासदार गोडसे यांनी केलेल्या मागणीवर आम्ही लवकरच चर्चा करून नाशिक-पुणे प्रस्तावित रेल्वेमार्गाच्या प्रस्तावाविषयी सकारात्मक निर्णय घेवू अशी ग्वाही रेल्वे मंत्री अश्विनी वैष्णव यांनी दिली आहे. सर्वेक्षणासाठी तीन वर्षांपूर्वी दोन कोटी रुपयांचा निधी मंजूर झाला होता. यातून सर्वेक्षणाचे काम पूर्ण झाले आहे. गोडसे यांच्या प्रयत्नांमुळे रेल्वेबोर्ड तसेच राज्य सरकारने नाशिक-पुणे रेल्वेमार्गाच्या प्रस्तावाला मान्यता दिली आहे. या मार्गासाठी साडे सोळा हजार कोटी रुपये खर्च येणार असून, राज्य व केंद्र शासन प्रत्येकी साडेतीन हजार कोटी (प्रत्येकी वीस टक्के) निधी देणार आहे. उर्वरीत साठ टक्के निधी म्हणजचे नऊ हजार कोटी रुपयांचा निधी हा इक्विलिटीतून उपलब्ध होणार आहे.