नाशिक प्रतिनिधी : तळीराम काय करतील भरोसाच नाही,नाशिक मध्ये दारू पिण्यास पैसे (Money) दिले नाही म्हणून एकाने समोरच्या व्यक्तीच्या घरावर दगडफेक केल्याप्रकरणी पंचवटी पोलीस ठाण्यात गुन्हा दाखल करण्यात आला.
याबाबत पोलिसांनी दिलेल्या माहितीनुसार संशयित सनी मनोहर थोरात (२३, रा. भेंडी गल्ली, शनी मंदिराजवळ, पेठरोड, पंचवटी) याने संतोष विष्णू यादव (३८,रा.दत्त नगर झोपडपट्टी,पेठ रोड,पंचवटी) यांच्याकडून (दि.१) सायंकाळी दारू पिण्यासाठी पैसे मागितले.
यादव यांनी पैसे न दिल्याने त्याचा राग आल्यामुळे संशयित थोरात याने यादव यांच्या घरावर दगड, विटा फेकून मारल्या. यात यादव यांच्या घरातील कपाटाच्या काचा फुटून त्यांच्या जीवाला धोका निर्माण झाल्याप्रकरणी पंचवटी पोलीस ठाण्यात गुन्हा दाखल करण्यात आला.
याप्रकरणी संशयित थोरात यास पोलिसांनी अटक केली असून पुढील तपास वपोनी डॉ. सिताराम कोल्हे यांच्या मार्गदर्शनाखाली पोलीस नाईक मोरे करत आहेत.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
