Political News | विधानसभा निवडणुकीच्या मतदान प्रक्रियेस आज सकाळी 7 वाजता सुरुवात झाली असून राज्यभरात मतदारांमध्ये उत्साह आहे. यादरम्यान, राजकीय घडामोडींनाही वेग आला असून राष्ट्रवादी काँग्रेस शरद पवार गटाचे उमेदवार धनंजय मुंडे व महाविकास आघाडीचे उमेदवार रावसाहेब देशमुख यांच्यात सरळ लढत होत आहे. यादम्यान आज दुपारी 12 च्या सुमारास राष्ट्रवादी काँग्रेस शरद पवार पक्षाचे नेते ॲड. माधव जाधव यांना मारहाण करण्यात आल्याचा व्हिडिओ सोशल मीडियावर व्हायरल झाला आहे.
Political News | श्रीरामपूरातील शिंदे सेनेच्या उमेदवाराच्या गाडीवर गोळीबार; नगर जिल्ह्यात खळबळ
माधव जाधव यांना जोरदार मारहाण
परळी विधानसभा मतदारसंघात हा संपूर्ण प्रकार घडला असून दुपारी बाराच्या सुमारास राष्ट्रवादी काँग्रेस शरद पवार पक्षाचे युवक नेते ॲड. माधव जाधव हे बूथ पाहणी करता शहरातील बँक कॉलनी परिसरात आले असता, तेथे उपस्थित राष्ट्रवादी काँग्रेसच्या कार्यकर्त्यांनी ॲड माधव जाधव यांना जोरदार मारहाण केली. या दरम्यान पोलिसांकडून योग्य ती कारवाई करण्यात आली नसल्याचेही दिसून आले आहे.
Political News | नांदगावात राडा!; समीर भुजबळ-सुहास कांदे एकमेकांना भिडले
बीडचे खासदार बजरंग सोनवणे यांच्याकडून निषेध व्यक्त
दरम्यान, बीडचे खासदार बजरंग सोनवणे यांनी हा आमचे सहकारी ॲड. माधव आप्पा जाधव यांना परळी मतदारसंघातील बुथबाहेर विरोधी पक्षाच्या गुंडानी बेदम मारहाण केली. असा दावा करत व्हीडिओ ट्विट केला आहे, ‘अशा दहशत पसरवणाऱ्या वृत्तीचा जाहीर निषेध, परळी मतदारसंघात सुरु असलेल्या मतदान प्रक्रियेत छेडछाड केलेले अनेक व्हिडीओ माध्यमातून प्रसारित होत आहेत,’ असेही सोनवणेंनी म्हटले आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
