Maharashtra politics| राष्ट्रवादी काँग्रेस पक्षाचे अध्यक्ष शरद पवार व त्यांचे पुतणे राज्याचे उपमुख्यमंत्री अजित पवार हे एका कार्यक्रमासाठी समोरासमोर येणार असल्याची माहिती समोर आली आहे. दौंड तालुक्यातील एका शिक्षण संस्थेच्या कार्यक्रमा निमित्त हे दोन्ही नेते एक मंचावर येणार आहेत. यापूर्वीही एकदा पंतप्रधान नरेंद्र मोदी हे पुण्यात लोकमान्य टिळक पुरस्कार स्वीकारण्यासाठी आलेले असताना, त्यावेळी ही दोन्ही पवार काका-पुतणे एका व्यासपीठावर आले होते.
मात्र, अजित पवारांनी शरद पवारांना शिताफीने टाळलं होतं. त्यानंतर या दोघांनी पुण्यात एक गुप्तभेटदेखील घेतली होती अशी माहिती समोट आली होती. आता पुन्हा एकदा एका जाहीर कार्यक्रमामध्ये अजित पवार तसेच शरद पवार प्रमुख उपस्थितांमध्ये एक मंचावर असणार आहेत. २२ ऑक्टोबरला दौंड तालुक्यातील विद्या प्रतिष्ठान संस्थेच्या कार्यक्रमाला त्यांची उपस्थिती असणार आहे. आणि यात आणखी विशेष म्हणजे बारामती मंतदारसंघाच्या खासदार सुप्रिया सुळेदेखील कार्यक्रमाला उपस्थित असणार आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
