अहमदनगर : राज्यसभा निवडणुकीनंतर विधान परिषद निवडणुकीतही भाजपने बाजी मारली. त्यानंतर विरोधीपक्ष नेते देवेंद्र फडणवीस यांचे सर्वत्र कौतुक सुरु आहे. असे असताना भाजपमधील नाराज नेत्या पंकजा मुंडे यांनी फडणवीस यांचे कौतुक टाळून वडील आणि दिवंगत नेते गोपीनाथ मुंडे यांच्या अशाच एका जुन्या कामगिरीचा उल्लेख केला आहे. तेव्हा गोपीनाथ मुंडे यांनी एकट्याने सत्ताधारी पक्षाचे १७ सदस्य फोडल्याची आठवण पंकजा मुंडे यांनी करून दिली. आता तरी दिल्लीचे पाठबळ असल्याकडे निर्देश करुन तेव्हाच्या तुलनेत सध्याचे काम सोपे असल्याचेच सांगण्याचा त्यांनी प्रयत्न केला आहे.
आपल्या प्रतिक्रियेत पंकजा मुंडे यांनी देवेंद्र फडणवीस यांचा उल्लेख खुबीने टाळला. शिवाय गोपीनाथ मुंडे यांनी एकट्याने केलेल्या कामगिरीचा दाखला देत, आता राज्यातील नेत्यांच्या मागे दिल्लीतून पाठबळ असल्याकडे लक्ष वेधत जणू फडणवीस यांच्या कामगिरीला दुय्यम लेखण्याचा प्रयत्नच मुंडे यांनी केल्याचे दिसून येते.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
