Skip to content

प्रेयसीसोबत ब्रेकअप झाल्यानंतर मद्यधुंद तरुणाचा प्रताप, पोलिसांना फोन करून बॉम्बस्फोटाची दिली धमकी


प्रेमभंगी काय करतील सांगता येणार नाही एका प्रेम भंग्याने थेट मुंबई पोलीस यंत्रणाच कामाला लावली असून थेट पोलिसांना कॉल करून मुंबईतील गजबजलेल्या झवेरी बाजार परिसरात बॉम्ब ठेवल्याचा कॉल करून दहशत निर्माण केली. वरिष्ठ पोलिस अधिकाऱ्यांमध्ये घबराट पसरली. पोलिसांनी तत्काळ दहशतवाद विरोधी पथक आणि बॉम्ब निकामी पथक घटनास्थळी पोहोचले. परिसरातील दुकाने रिकामी करण्यात आली. यासोबतच लोकांना त्यांच्यापासून दूर राहण्यास सांगितले होते. या प्रकरणी पोलिसांनी बनावट कॉल ट्रेस करून २४ वर्षीय तरुणाला अटक केली आहे. पोलिसांनी सोमवारी ही माहिती दिली.

पोलिसांनी सांगितले की, सांगली येथे राहणारा दिनेश सुतार याचे एका महिलेसोबत संबंध होते. महिनाभरापूर्वी दोघांचे ब्रेकअप झाल्यानंतर तरुणाने बदला घेण्याचे ठरवले आणि रविवारी दारूच्या नशेत जामखेड पोलिसांना फोन करून नांज परिसरात बॉम्बस्फोट होणार असल्याचे सांगितले. तरुणाची माजी प्रेयसी अहमदनगर जिल्ह्यातील जामखेड येथे राहते. यानंतर त्याने मुंबई पोलिस नियंत्रण कक्षाला फोन करून दक्षिण मुंबईतील झवेरी बाजार येथे बॉम्ब ठेवल्याचे सांगितले.

दुकाने बंद होती
त्याचवेळी बॉम्बची माहिती मिळताच पोलीस घटनास्थळी पोहोचले आणि रस्त्यावरील सर्व भोजनालये व दुकाने काही मिनिटांतच रिकामी करण्यात आली. लोकांना परिसरापासून दूर राहण्यास सांगण्यात आले. पोलिसांनी सांगितले की, क्राइम ब्रँच टीम आणि दहशतवाद विरोधी पथकाला (एटीएस) त्यांच्या आपत्कालीन हेल्पलाइन 112 वर नियंत्रण कक्षाला केलेल्या कॉलबद्दल माहिती देण्यात आली होती.

पोलिसांच्या गुन्हे शाखेच्या पथकाने कॉल करण्यासाठी वापरण्यात आलेला मोबाईल क्रमांक ट्रेस करून आरोपीचा भुलेश्वर येथे शोध घेतला. लोकमान्य टिळक मार्ग पोलीस ठाण्याच्या कर्मचाऱ्यांनी आरोपीला बोलावून बॉम्ब कुठे ठेवला होता ते दाखवण्यास सांगितले. त्यांनी सापळा रचून काही तासांतच आरोपी दिनेशला पकडले.


The Point Now न्यूजचे अपडेट्स मिळवण्यासाठी आम्हाला फॉलो करा

फेसबुकट्विटरयुट्युबइंस्टाग्राम

Don`t copy text!