Manoj Jarange | तिकडे आरक्षण एकमताने पास अन् इकडे जरांगेंनी सलाईन फेकली

तिसऱ्यांदा मंजूर झालेले आरक्षण टिकेल का..?

मराठा समाजाला आरक्षण देण्याचा विषय हा यावेळी तब्बल तिसऱ्यांदा सभागृहात आला असून, पृथ्वीराज चव्हाण हे मुख्यमंत्री असताना पहिल्यांदा मराठा आरक्षणास विधिमंडळात मंजूरी देण्यात आली होती. त्यावेळी त्यांनी मराठा समाजाला १३ टक्के आरक्षण दिले होते. मात्र, न्यायालयात ते आरक्षण टिकले नाही. त्यांच्यानंतर देवेंद्र फडणवीस राज्याच्या मुख्यमंत्रीपदी असताना त्यांनीही दुसऱ्यांदा मराठा समाजाला १३ टक्के आरक्षण दिले होते.

त्यावेळी हे आरक्षण उच्च न्यायालयाने मान्य केले. परंतु सर्वोच्च न्यायालयाने अमान्य केले. त्यावेळी फडणवीस यांनीही १३ टक्के आरक्षण दिले होते. दरम्यान, आता एकनाथ शिंदे हे मुख्यमंत्रीपडी असताना त्यांनी यावेळी तिसऱ्यांदा मराठा आरक्षणाला मंजूरी दिली आहे.आता एकनाथ शिंदे यांनी दहा टक्के आरक्षण देणारे विधेयक मांडले आयहे आणि ते मंजूरी करून घेतले आहे. तसेच हे आरक्षण कोर्टात टिकेल असा दावाही त्यांनी केला आहे. पण आता हे कोर्टात टिकणार का? हे पहावे लागणार आहे. (Manoj Jarange)

Maratha Reservation | मराठ्यांना स्वतंत्र आरक्षण मिळणार..?; पण जरांगे ‘ओबीसी’वरच ठाम

Manoj Jarange | मनोज जरांगे का नाराज..?

मराठा समाजाला १० टक्के आरक्षण देण्यास मंजूरी मिळाली आहे.मात्र, मराठा आंदोलक मनोज जरांगे पाटील हे सरकारवर नाराज आहेत. त्यांनी यानंतर पत्रकार परिषद घेतली असून, भर पत्रकार परिषदेत त्यांनी सलाईन काढून फेकली आहे आणि उपचार घेण्यासही नकार दिला आहे.(Manoj Jarange)

कारण त्यांना मराठा समाजास स्वतंत्र नाही तर ओबीसीमधूनच आरक्षण हवे आहे. त्यांची सगेसोयऱ्यांच्या मागणीची अंमलबजावणी करण्याची मागणी त्यांनी लाऊन धरली आहे.मात्र, ती मागणी मंजूर झालेली नाही. त्यामुळे इशारा दिल्याप्रमाणे मनोज जरांगे त्यांचे आंदोलन अधिक तीव्र करणार आहेत. ते उपोषण सुरू ठेवणार असून, उपोषणादरम्यान ते अन्न, पाणी आणि उपचार घेणार नसल्याचेही त्यांनी सांगितले आहे. दरम्यान, या सर्व प्रकरणात सत्ताधारी, विरोधक एकत्र आले. मात्र, मनोज जरांगे वेगळे पडले.(Manoj Jarange)