सोमनाथ जगताप – प्रतिनिधी : देवळा | देवळा तालुक्यात जलसमृद्धी आणण्याकामी गिरणा नदीच्या पात्रात तालुक्याच्या सुरवातीपासून ते शेवटपर्यंत कोल्हापूर टाईप बंधारे उभारून कायमस्वरूपी पाणी अडवून विकासाचे केंद्रबिंदू असलेला वसाका भविष्यात ऊस लागवडीच्या माध्यमातून सुरू करण्याचा आपला मानस आल्याचे प्रतिपादन आमदार डॉ. राहुल आहेर यांनी रविवारी (दि. २) रोजी विठेवाडी येथील शेतकरी मेळाव्यात आयोजित सत्कार समारंभ प्रसंगी केले. या कार्यक्रमाच्या अध्यक्षस्थानी वसाकाचे संस्थापक संचालक बाबुराव नारायण पाटील हे होते. तर व्यासपीठावर माजी संचालक वसंतराव निकम, अशोक बोरसे, भास्कर निकम, उमराणे बाजार समितीचे सभापती प्रशांत देवरे हे होते.
यावेळी डॉ. आहेर पुढे म्हणाले की, गेल्या अनेक दिवसांपासून वसाका बंद अवस्थेत आहे. परंतु तो सुरू करण्याकामी कार्यक्षेत्रात ऊस उपलब्ध नसल्याने गेट केनच्या भरवशावर कारखाना चालवणे कठीण आहे. यासाठी कार्यक्षेत्रातील शेतकऱ्यांना बाराही महिने पाण्याची उपलब्धता राहिली. तरच ऊस लागवडीकडे शेतकरी वळेल यासाठी येत्या पावसाळ्यात विठेवाडी येथे बंधाऱ्यात पाणी आणणार असून, जर भविष्यात गिरणा नदीच्या अवर्तनात थोडा फार बदल झाला. तर याच वर्षी सावकी येथील के टी वेअर पूर्ण करण्याचा आपला खटाटोप असून, तसे झाल्यास याच पावसाळ्यात दोनही के टी वेअर मध्ये पाणी अडवण्याचा प्रयत्न आपण करणार आहोत.
Deola | भावडघाट ते गुंजाळनगर रस्ता काँक्रीटीकरणाच्या कामाला उच्च न्यायालयाची स्थगिती
भविष्यात तालुक्यातील सुरवातीपासून शेवटपर्यंत नदीपात्रातून गावालगत के टी वेअर बांधण्याचा प्रयत्न करणार आहोत. त्यामुळे गिरणा नदी पात्रा लगतच्या दोनही बाजूच्या गावांना त्याचा लाभ होऊन शेती पाणी प्रश्ना बरोबर पिण्याच्या पाण्याच्या योजनांचा प्रश्न कायम स्वरूपी सुटण्यास मदत होईल, असे शेवटी आमदार डॉ. आहेर म्हणाले. यावेळी पंडितराव निकम, विलास निकम, कुबेर जाधव, राजेंद्र निकम, शशिकांत निकम, प्रशांत निकम, संजय साळवे, धनाजी निकम, पी डी निकम, महेंद्र आहेर, संदीप निकम, नितीन निकम, अशोक आहेर, मिलिंद निकम, कैलास कोकरे, बाळू सोनवणे, राहुल निकम, ईश्वर निकम, दयाराम निकम, शंकर निकम, माणिक निकम आदींसह ग्रामस्थ मोठ्या संख्येने उपस्थित होते. आभार राजेंद्र निकम यांनी मानले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
