BRS of KCR now in Maharashtra: एका बाजूला मुस्लिम मतदारांना एमआयएमच्या जवळ आणण्याचे प्रयत्न सुरू आहेत. व्हीबीएच्या माध्यमातून दलित मतदारांवर लक्ष ठेवले जात आहे. संभाजीराजे जवळच्या मराठा व्होटबँकेला खीळ घालू शकतात. अशाप्रकारे शेतकरी मुस्लिम, दलित, मराठा एकत्रित आला तर तर महाराष्ट्रात प्रस्थापितांना मोठा धक्का असेल.
सध्या राज्याचे राजकारण विचित्र गुंत्यात अडकले आहे. सर्वसामान्यांना मात्र या राजकारणाचा वीट आला आहे. शिवसेना फुटीनंतर तर राज्यात सर्व हद्दच पार झाली आहे. भाजप आणि शिंदे गटातील शिवसेना त्यांच्या जाहिरात युद्धात गुंतली होती. महाविकास आघाडीतील अंतर्गत वादात काँग्रेस अडकली, उद्धव ठाकरे उन्हाळ्याच्या सुट्टीसाठी लंडनहून नुकतेच परतले आहेत. अजितदादांचा दबदबा कमी करून सुप्रिया सुळे यांच्याकडे नेतृत्व सोपवायची व्यवस्था करण्यात शरद पवारांची राष्ट्रवादी मग्न होती. दरम्यान, तेलंगणातील एक फौज शांतपणे महाराष्ट्रात एंट्री घेऊन आपले पंख पसरवत आहे. राज्यातील तिसरी शक्ती बनण्याची स्वप्ने ते सजावत आहे. के चंद्रशेखर राव यांचा पक्ष भारत राष्ट्र समितीचे हे स्वप्न साकार होणार का हे बघन म्हत्वाचे असेल.
नांदेडमध्ये दोन सभा घेतल्यानंतर केसीआर यांनी औरंगाबाद आणि नागपूरमध्येही सभा घेतल्या आहेत. बरं, केसीआरची बीआरएस महाराष्ट्रात भाजप-शिंदे आणि महाविकास आघाडीनंतर तिसरी शक्ती म्हणून उदयास येऊ शकेल का, यावर प्रश्न असू शकतात, पण बीआरएसमध्ये स्थानिक पातळीवर मतभेद आहेत, यात शंका नाही.
एआयएमआयएम, व्हीबीए, संभाजीराजे, बीआरएस हे तीन पक्ष एकत्रित येत तिसरी आघाडी बनू शकते.
सध्याच्या समीकरणानुसार असदुद्दीन ओवेसी यांचा पक्ष एआयएमआयएम, प्रकाश आंबेडकर यांचा पक्ष वंचित बहुजन आघाडी आणि देवेंद्र फडणवीस यांचे निकटवर्तीय असलेले छत्रपती शिवाजी महाराजांचे वंशज संभाजी राजे यांच्यासह के.चंद्रशेखर राव यांची जवळीक वाढत आहे.
मुस्लिम, दलित, मराठा, शेतकरी, ही केसीआरची योजना आहे
एमआयएमशी जवळीक वाढवून मुस्लिम मतदारांना आकर्षित करण्याचे प्रयत्न सुरू आहेत. वंचित बहुजन आघाडीच्या माध्यमातून दलित मतदारांवर लक्ष ठेवले जात आहे. छत्रपती संभाजी राजेंशी जवळीक वाढवून मराठा व्होटबँकेच्या जवळ जाऊ शकतो. यात शेतकऱ्यांचे हित जोडले गेले आणि शेतकरी आकर्षित झाला, तर के. चंद्रशेखर राव यांच्या योजनेनुसार चांगले समीकरण तयार होऊ शकते.
‘अबकी बार, किसान सरकार’; केसीआरचा नारा
तेलंगणातील शेतकऱ्यांसाठीच्या कल्याणकारी योजना खूप यशस्वी झाल्या आहेत. KCR यांच्या भारत राष्ट्र समितीचा (BRS) विजय झाला तर त्या योजना महाराष्ट्रातील शेतकऱ्यांसाठीही लागू केल्या जातील अशी अपेक्षा आहे. यावेळी किसान सरकारचा नारा दिला जात आहे. नांदेडचे माजी आमदार शंकर अण्णा धोंडगे बीआरएसमध्ये सहभागी झाल्यानंतर ते या अभियानात सक्रिय सहभागी झाले आहेत. नांदेडमधील शंकर अण्णा धोंडगे यांच्याशिवाय ज्येष्ठ नेते सुरेशदादा गायकवाड, यशपाल भिंगे, ढाकेर चाऊस, नागनाथ घिसेवाड हेही बीआरएसमध्ये दाखल झाले आहेत. याशिवाय विदर्भातील हर्षवर्धन जाधव, राजू तोडसाम यांच्यासह काही माजी आमदारांनीही बीआरएसमध्ये प्रवेश केला आहे. म्हणजे जोरदार तयारी सुरू झाली आहे.
तेलंगणाचे मुख्यमंत्री केसीआर यांना महाराष्ट्रात जाऊन नशीब आजमावण्याची प्रेरणा कुठून मिळाली, असा प्रश्न उपस्थित होत आहे. हळुहळू तेलंगणाची कमान मुलीकडे देऊन पक्षाचा राष्ट्रीय स्तरावर प्रसार करायचा? तर याचे उत्तर ओवेसींच्या पक्षाच्या महाराष्ट्रातल्या यशात दडले आहे. ओवेसींचा पक्षही प्रामुख्याने हैदराबाद आणि तेलंगणाचा पक्ष होता. पण दहा वर्षांपूर्वी ओवेसींच्या एमआयएमने नांदेडमधून महाराष्ट्राच्या राजकारणात प्रवेश केला आणि स्थानिक स्वराज्य संस्थांच्या निवडणुकीत यश मिळवून तेलंगणातील नेत्यांना चकित केले.
ऐतिहासिकदृष्ट्याही महाराष्ट्राचा मोठा प्रदेश हैदराबादचा शासक निजामाच्या ताब्यात राहिला आहे. अगदी KCR च्या BRS ला वाटले नांदेड मार्गे महाराष्ट्रात सहज प्रवेश करू मात्र हे स्वप्न सत्यात उतरते का बघू. चंद्रशेखर राव यांच्या हृदयात महाराष्ट्रात आशांचे दालन खुलू लागले आहे. सध्या हे फक्त सुरुवातीचे चित्र आहे, अजून बराच पल्ला भविष्यात गाठायचा आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
