Maratha reservation | जरांगेंनी उपोषण सोडताच मुख्यमंत्री पलटले..

सरसकट आरक्षणाची मागणीच नाही – एकनाथ शिंदे 

उपोषण मागे घेतल्यानंतर मुख्यमंत्र्यांनी पत्रकार परिषद घेतली. यावेळी शिंदे यांना मराठा समाजाला  सरसकट देण्याबाबत आरक्षणाबाबत प्रश्न विचारला असता. त्यावर शिंदे म्हणाले, ज्यांच्या कुणबी म्हणून नोंदी आहेत त्यांना युद्धपातळीवर प्रमाणपत्र द्या, अशी मागणी मनोज जरांगे यांनी केली आहे. सरसकट आरक्षणाची त्यांची मागणीच नाही, ज्यांच्या नोंदी आहेत, त्यांनाच दाखले देण्याची मागणी करण्यात आली आहे. आणि यामध्ये सरकार वेळकाढूपणा करणार नाही.

सरसकट आरक्षणाबाबत प्रश्न विचारल्यावर एकनाथ शिंदे म्हणाले,  तुम्ही पत्रकार असं कुठेही भरकटवू नका. जरांगेंनी सांगितलंय की, ज्यांच्या कुणबी नोंदी आहेत, त्यांना तुम्ही तातडीने दाखले द्या. त्यासाठी प्रत्येक जिल्ह्यात १०-१० लोक जास्तीचे द्या. पुढच्या दोन महिन्यांत हे काम करा. असं आश्वासन आमच्या लोकांनी जरांगे यांना दिलं आहे.

India cricket team: भारतीय संघ हा इतिहास रचणार…! जो क्रिकेटच्या ५० वर्षांच्या इतिहासात घडला नाही

काय म्हणाले जरांगे पाटील..? 

दुसरीकडे, उपोषण सोडताना जरांगे पाटील कार्यकर्त्यांना म्हणाले, आपण या दोन महिन्यांत आपलं आंदोलन सुरूच ठेवू. राज्य सरकारला दोन महिने हवे आहे. सरकारला मराठवाड्यासह संपूर्ण महाराष्ट्रात काम करायचं आहे. त्यांनी तीन आयोग स्थापन केले आहे. राज्य मागासवर्ग आयोगालाही यासाठी काम करायचं आहे. निवृत्त न्या. संदीप शिंदे यांच्या समितीलाही काम करायचं आहे. अजून एक समिती मार्गदर्शन करणार आहे. हे सगळं मराठ्यांना टिकणारं आरक्षण मिळावं म्हणून करायचं आहे, असं सरकारचं म्हणणं आहे.