Ahmednagar Violence: राज्यात सद्या छोट्या मोठ्या घटना घडत आहे. यामुळे राज्यातील कायदा सुव्यवस्थेचा प्रश्न निर्माण होत आहे. अहमदनगर जिल्ह्यात दोन गटात झालेल्या हाणामारीत चार जण जखमी झाले असून पोलिसांनी बुधवारी सांगितले की, चकमकीत सहभागी लोकांनी काही वाहनांचे नुकसान केले आणि दगडफेक केली. अहमदनगर-संभाजीनगर रस्त्यावरील वारूळवाडीजवळील गजराज नगर येथे मंगळवारी सायंकाळी उशिरा घडलेल्या या घटनेप्रकरणी दोन गुन्हे दाखल करण्यात आले असून १९ जणांना अटक करण्यात आल्याचे पोलिसांनी सांगितले. (Ahmednagar Violence)
अहमदनगरमध्ये मोठा पोलिस बंदोबस्त तैनात
या चकमकीनंतर कोणताही अनुचित प्रकार घडू नये म्हणून अहमदनगरच्या विविध भागात मोठा पोलीस बंदोबस्त तैनात करण्यात आला आहे. पोलिसांनी दिलेल्या माहितीनुसार, दोन्ही गटांनी एकमेकांविरुद्ध तक्रारी दिल्या आहेत, ज्याच्या आधारे दोन प्रथम माहिती अहवाल (एफआयआर) नोंदवण्यात आले आहेत. अहमदनगर एमआयडीसी पोलिस स्टेशनच्या एका अधिकाऱ्याने सांगितले की, “गजराज नगर परिसरातील एका मशिदीजवळून जात असलेल्या एका गटातील तरुणाला दुसऱ्या गटातील सदस्यांनी मारहाण केल्याने दोन गटांमध्ये हाणामारी झाली,”
वाहने पेटवली
“चकमकीत एक दुचाकी जाळण्यात आली आणि चारचाकी वाहनासह इतर काही वाहनांचे नुकसान झाले,” ते म्हणाले, चकमकीदरम्यान दगडफेकही झाली. यावेळी चार जण जखमी झाल्याचे त्यांनी सांगितले. आणखी एका पोलिस अधिकाऱ्याने सांगितले की, सोशल मीडिया प्लॅटफॉर्मवरील ‘स्टेटस’वरून दोन गटांमध्ये हाणामारी झाली.
एसपींनी ही माहिती दिली
दंगलीशी संबंधित भारतीय दंड संहितेच्या (आयपीसी) संबंधित कलमांतर्गत दाखल झालेल्या दोन गुन्ह्यांमध्ये आतापर्यंत एकूण 19 जणांना अटक करण्यात आली आहे, असे पोलीस अधीक्षक राकेश ओला यांनी सांगितले. लोकांनी अफवांवर विश्वास ठेवू नये, असे आवाहनही त्यांनी केले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
