Nashik Political | “सध्या राज्यामध्ये मुख्यमंत्री माजी लाडकी बहीण योजना जोशात सुरू आहे. आमदार सीमा हिरे या देखील आमची लाडकी बहीण आहेत. तेव्हा त्या मतदारसंघात राबवत असलेल्या विकास कामांसाठी निधी कमी पडू देणार नाहीत.” असे आश्वासन मुख्यमंत्री एकनाथ शिंदे यांनी दिले.
फडणवीसांकडूनही हिरेंचे कौतुक
खुटवडनगर येथे आयटीआय पुल ते वावरेनगर रस्त्याच्या काँक्रिटीकरणाच्या भूमिपूजना वेळी मुख्यमंत्री बोलत होते. यावेळी उपमुख्यमंत्री देवेंद्र फडणवीस, पालकमंत्री दादा भुसे, आमदार सीमा हिरेे, राहुल ढिकले, शहराध्यक्ष प्रशांत जाधव, माजी नगरसेविका अलका आहिरे, माजी नगरसेविका सुवर्णा मटाले, छाया देवांग, भाग्यश्री ढोमसे इत्यादी नेते उपस्थित होते. यावेळी उपमुख्यमंत्री देवेंद्र फडणवीस यांनी देखील आमदार सीमा हिरे यांच्या विकासकामांचे कौतुक केले.
Nashik Political | अमित ठाकरे नाशिक मधून विधानसभेच्या रिंगणात उतरणार?
काय म्हणाले मुख्यमंत्री?
“या महत्वपूर्ण प्रकल्पाला आमदार सीमा हिरे यांच्या विशेष प्रयत्नांमुळे निधी मंजूर झाला असून या प्रकल्पामुळे वावरेनगर आणि त्याच्या आसपासच्या परिसरातील रहिवाशांना वाहतुकीसाठी मोठा दिलासा मिळणार आहे. रस्त्याचे कॉंक्रिटीकरण झाल्याने वाहन चालकांना सुरक्षितता मिळेल. तसेच या कामामुळे संपूर्ण परिसराचा विकास होईल.” असे देखील ते म्हणाले. सीमा हिरे यांनी भाषणात “या प्रकल्पामुळे परिसरात सकारात्मक बदल घडतील तसेच वाहतूक कोंडी कमी होईल.” असा विश्वास व्यक्त केला. यावेळी भाजपचे अनेक पदाधिकारी, माजी नगरसेवक तेथे उपस्थित होते.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
