Bus Station | बसस्थानकांचे रुपडे पालटणार; मंत्री दादा भूसेंची मोठी घोषणा

Bus Station |  राज्यातील बस स्थानाकांचे रुपडे पालटणार असल्याची घोषणा आज विधासभेत राज्याचे सार्वजनिक बांधकाम मंत्री दादा भुसे यांनी केली आहे. राज्य मार्ग परिवहन महामंडळाची २५१ बस आगार, ५७७ बस स्थानकं असून या सोबतच एसटी महामंडळाकडे भाडेतत्त्वावर आणखी ४६७ बस असून एसटी महामंडळाच्या स्व:मालकीच्या १५ हजार ७९५ बस आहेत. तसेच या एकूण बसेसमधून दररोज ५४ लाख प्रवासी प्रवास करतात.

दरम्यान, ह्या एसटी महामंडळाच्या राज्यातील बसस्थानकांचे पुढील दोन महिन्यांच्या आत सुशोभीकरण करून,  पायाभूत सुविधांचा विकास करून त्यांचे रूप पालटणार असल्याची माहिती राज्याचे सार्वजनिक बांधकाम मंत्री (सार्वजनिक उपक्रम) दादा भुसे यांनी विधानसभेत दिली आहे. तसेच राज्यातील एसटी बसस्थानकांच्या दुरुस्तीबाबत आमदार लहू कानडे  यांनी प्रश्न उपस्थित केला असता, या दरम्यान आमदार प्रकाश आबिटकर, मनीषा चौधरी , सुलभा खोडके यांनी हा उपप्रश्न उपस्थित केला असता, मंत्री दादा भुसे यांनी यावेळी ही घोषणा केली आहे.

Nashik Crime | नाशकात दारूवरून फटकारल्याने भाच्याने मामाचा केला खून

याबाबत बोलताना मंत्री भुसे म्हणाले, “हिंदुहृदयसम्राट बाळासाहेब ठाकरे स्वच्छ व सुंदर बसस्थानक या अभियानाच्या अंतर्गत राज्यातील या १९३ बसस्थानकांचे सुशोभीकरण करणार आहे. या सोबतच ह्या बसस्थानकांच्या आवारात काँक्रिटीकरण देखील करण्यात येणार आहे. यासाठी एमआयडीसी आणि एसटी महामंडळ यांच्या दरम्यान ६०० कोटी रुपयांचा करार करण्यात आला. राज्यात १८६ बसस्थानकांचा बीओटीच्या तत्त्वावर विकास करण्यात येणार आहे.

आतापर्यंत 11 निविदा काढण्यात आल्या असून, दोन कामांना विकासकांचा प्रतिसाद मिळाला आहे.  तसेच 40 निविदा लवकरच काढण्यात येणार आहेत. बीओटी तत्त्वावरील कामांना प्रतिसाद कमी आहे. याबाबत निवृत्त सनदी अधिकारी सुबोध कुमार यांच्या अध्यक्षतेखाली समिती स्थापन करण्यात आली आहे. समितीचा महिनाभरात अहवाल येईल, त्यानंतर या पद्धतीतील त्रुटी दूर करून पुढील कार्यवाही करण्यात येईल, असेही मंत्री भुसे म्हणाले.

Nashik News | १९४ किलो भेसळयुक्त पनीर जप्त; रात्री २ पर्यंत कारवाई सुरू

वर्षाभरात ४०० कोटींची तरतूद | (Bus Station)

यावेळी मंत्री दादा भुसे पुढे म्हणालेत की, राज्याभरात ४५ एसटी बसस्थानकांचे काम हे आता बीओटीच्या तत्त्वावर पूर्ण करण्यात आलेले आहे. तसेच ७२ बसस्थानकांचा बांधकाम विभागाच्या निधीतून विकास होणार आहे. यामध्ये तब्बल ७० कामे ही प्रगतीपथावर आहे. दरम्यान, या वर्षात या प्रलंबित कामांसाठी तब्बल ४०१ कोटी रुपयांची तरतूद करण्यात आली आहे. दरम्यान, यामधून ९७ बसस्थानकांचे सुशोभीकरण करण्यात येणार आहे.