सर्वात लांब नाक असलेल्या व्यक्तीचा फोटो व्हायरल! ही आहे त्याची कहाणी

The point now – सोशल मीडिया वरती प्रचंड प्रमाणात विचित्र गोष्टी वायरल होत असतात . पण यावेळी इंटरनेटवर लोक सर्वात लांब नाक असलेल्या माणसाचे छायाचित्र पाहून आश्चर्यचकित झाले आहेत. ही कथा थॉमस वेडर्सची आहे, ज्यांना सोशल मीडियावर खूप प्रसिद्धी मिळत आहे. हिस्टोरिक विड्स या ट्विटरवरील एका पेजने एका संग्रहालयात ठेवलेल्या मेणाच्या पुतळ्याचा फोटो पोस्ट केला आहे. 12 नोव्हेंबरला केलेल्या ट्विटमध्ये, ट्विटर हँडलवरून असेही सांगण्यात आले होते की वेडरचे नाक सुमारे 7.5 इंच लांब आहे. गिनीज वर्ल्ड रेकॉर्ड्सच्या वेबसाइटवर वेडर्सच्या नावाचे एक पृष्ठ देखील आहे.

त्यानुसार, तो एका सर्कसचा भाग होता. हिस्टोरिक विड्सने ट्विटमध्ये म्हटले आहे की, “थॉमस वेडहाउस हे 18व्या शतकातील इंग्रजी सर्कस कलाकार होते. ते जगातील सर्वात लांब नाकासाठी ओळखले जात होते. त्याची लांबी 7.5 इंच होती.” या ट्विटला 1.20 युजर्सनी लाइक केले आहे 7,200 युजर्सनी रिट्विट केले आहे.

GWR ने आपल्या वेबसाइटवर वेडर्सच्या कामगिरीची यादी देखील दिली आहे, असे म्हटले आहे की थॉमस वेडर्स, जो 1770 च्या दशकात इंग्लंडमध्ये राहत होता आणि प्रवासी सर्कसचा सदस्य होता, त्याची ऐतिहासिक नोंद आहे. त्याचे नाक 19 सेमी होते. तथापि, सर्वात लांब नाक असलेल्या जिवंत व्यक्तीचा विक्रम तुर्कीच्या मेहमेट ओझ्युरेकच्या नावावर आहे. गेल्या वर्षी नोव्हेंबरमध्ये गिनीज वर्ल्ड रेकॉर्डने या विक्रमाची पुष्टी केली होती. त्याचे नाक 3.46 इंच लांब आहे.