मुंबई: शिवसेनेच्या निवडणूक चिन्हावर आज सर्वोच्च न्यायालयात सुनावणी सुरू असून दोघं बाजूंनी जोरदार युक्तिवाद सुरू असून निर्णय काय लागतो याकडे संपूर्ण देशाचे लक्ष लागले आहे. याप्रकरणी निवडणूक आयोगाच्या कारवाईला स्थगिती देण्याची मागणी शिवसेनेतील उद्धव ठाकरे गटाने केली आहे. यावर सर्वोच्च न्यायालय आज आदेश देऊ शकते. सुप्रीम कोर्टाच्या घटनापीठाने याप्रकरणी 7 सप्टेंबर रोजी शेवटची सुनावणी ठेवली होती. एकनाथ शिंदे यांच्या बंडखोरीनंतर शिवसेनेत दोन गट पडले आहेत. दोन्ही गट पक्ष आणि निवडणूक चिन्हावर दावा करत आहेत.
एकनाथ शिंदे यांचे बंड आणि तत्कालीन मुख्यमंत्री उद्धव ठाकरे यांच्या राजीनाम्यानंतर या प्रकरणी सर्वोच्च न्यायालयात अनेक याचिका दाखल झाल्या होत्या. त्यात शिंदे गटाच्या १६ आमदारांची अपात्रता, राज्यपालांकडून एकनाथ शिंदे यांना सरकार स्थापनेचे निमंत्रण, नवा सभापती निवडण्याची प्रक्रिया आणि पक्षाचे अधिकार यांचा समावेश आहे. निवडणूक आयोगाच्या या कारवाईला स्थगिती देण्याची मागणी उद्धव ठाकरे गटाकडून होत आहे. दुसरीकडे कारवाई थांबवण्याच्या मागणीला शिंदे गटाकडून विरोध होत आहे. आयोग आपली घटनात्मक जबाबदारी पार पाडत आहे, असे त्यांचे म्हणणे आहे. आज सर्वोच्च न्यायालय या मागणीवर निर्णय देऊ शकते.
सर्वोच्च न्यायालयाचे तत्कालीन सरन्यायाधीश एन.व्ही.रमना यांच्या अध्यक्षतेखालील तीन न्यायाधीशांच्या खंडपीठाने हे प्रकरण 23 ऑगस्ट रोजी पाच न्यायाधीशांच्या खंडपीठाकडे पाठवले. दोन्ही गटांच्या दाव्यावर निवडणूक आयोगाने आपली कारवाई सुरू ठेवायची की नाही. सध्या न्यायालयाच्या आदेशानुसार निवडणूक आयोगाने आपली कारवाई थांबवली आहे.
गेल्या सुनावणीत न्यायाधीश काय म्हणाले होते
7 सप्टेंबर रोजी झालेल्या शेवटच्या सुनावणीत खंडपीठाचे सदस्य न्यायमूर्ती एमआर शाह म्हणाले होते, “तुम्ही 27 सप्टेंबरसाठी तुमची ऊर्जा वाचवा.” त्याचवेळी खंडपीठाचे अध्यक्ष न्यायमूर्ती चंद्रचूड म्हणाले होते, “प्रत्येकाने दोन पानी संक्षिप्त युक्तिवाद सादर करावा. पुढील सुनावणीत हा प्रश्न सोडवण्याचा प्रयत्न केला जाईल.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
