जपानचे माजी पंतप्रधान शिंजो आबे यांचा गोळी लागल्याने मृत्यू झाला आहे. नारा शहरात एका व्यक्तीने त्याच्यावर मागून गोळीबार केला, त्यानंतर त्यांना रुग्णालयात दाखल करण्यात आले. मात्र त्यांना वाचवता आले नाही. शिंजो आबे यांच्यावर हा हल्ला झाला तेव्हा ते एका छोट्या जाहीर सभेला संबोधित करत होते. गोळी लागल्याने त्यांना हृदयविकाराचा झटका आला, त्यामुळे त्यांचा मृत्यू झाल्याचे सांगण्यात येत आहे. एनएचके वाहिनीच्या हवाल्याने ही माहिती समोर आली आहे.
अनेक तास वाचवण्याचा प्रयत्न केला
गोळी लागल्याने शिंजो आबे यांना तात्काळ रुग्णालयात दाखल करण्यात आले, तेथे त्यांच्यावर सुमारे चार ते पाच तास उपचार करण्यात आले, परंतु डॉक्टर त्यांना वाचवू शकले नाहीत. त्यांच्यावर झालेल्या या हल्ल्याचा सर्वत्र निषेध होत असून जगातील सर्व मोठ्या नेत्यांनीही त्यांना लवकरात लवकर बरे होण्यासाठी शुभेच्छा दिल्या होत्या.
हल्लेखोराने शिंजो आबे यांच्यावर मागून दोन गोळ्या झाडल्या, त्यानंतर आबे जमिनीवर कोसळल्याचे वृत्त आहे. तेथे उपस्थित लोकांनी शिंजो आबे यांना सीपीआर देण्याचाही प्रयत्न केला. त्यानंतर त्यांना हेलिकॉप्टरने गंभीर अवस्थेत रुग्णालयात नेण्यात आले. 41 वर्षीय तेत्सुया यामागामी असे हल्लेखोराचे नाव आहे. ज्याला पोलिसांनी घटनास्थळावरून अटक केली.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
