यावेळी महाराष्ट्रातील सात हजारांहून अधिक ग्रामपंचायतींच्या निवडणुकीच्या प्रचाराचा शेवटचा टप्पा सुरू झाला असून अशा परिस्थितीत लातूर जिल्ह्यातील मुरुडमध्ये प्रचारादरम्यान एक वेदनादायक घटना समोर आली आहे. एका पुरुषाची पत्नी सरपंच पदासाठी उमेदवार आहे. त्यांनी पत्नीच्या बाजूने प्रचार सभेला संबोधित केले. यानंतर खुर्चीवर बसताच त्यांना अचानक हृदयविकाराचा झटका आला आणि मंचावरच त्यांचा मृत्यू झाला.
पत्नीसाठी भाषण केल्यानंतर ते स्टेजवरच खुर्चीवर बसले. त्यानंतर त्यांच्या छातीत दुखू लागले. ही गोष्ट त्यांनी पत्नीच्या कानात सांगितली आणि थकून ते खुर्चीवरून खाली पडला. यानंतर त्यांना रुग्णालयात नेण्यात आले. रुग्णालयात त्यांना मृत घोषित करण्यात आले. अमर नाडे असे मृत्यू झालेल्या व्यक्तीचे नाव आहे.
हृदयविकाराचा झटका आला आणि नवऱ्याची सावली आयुष्यातून गेली
डॉक्टरांनी मृत्यूचे कारण हृदयविकाराचा झटका असल्याचे सांगितले आहे. प्रचाराच्या शेवटच्या टप्प्यात पतीच्या निधनामुळे सरपंचपदाच्या उमेदवार अमृता खचल्या असून त्या म्हणताय की आता जिंकली तर कोणासाठी, हरली तर काय ? मात्र मुरुड गावातील लोक अमृताला दिलासा आणि प्रोत्साहन देत आहेत. अमर नाडे यांनी पूर्ण 25 मिनिटे भाषण करून मतदारांना पत्नीच्या बाजूने मतदान करण्याचे आवाहन केले. यानंतर समोर बसलेल्या श्रोत्यांचे हात जोडून आभार मानत ते स्टेजवर ठेवलेल्या रिकाम्या खुर्चीवर जाऊन बसले. मात्र खुर्चीवर बसताच त्यांनी छातीत दुखत असल्याची तक्रार केली. त्यांनी शेजारी बसलेल्या पत्नी अमृता हिच्या कानात हा प्रकार सांगितला आणि खुर्चीवर बसलेल्या अवस्थेत खाली पडले.
https://twitter.com/ssidsawant/status/1603231320943251456?t=Gi2k4GGSX3YK4ne5pUKDCA&s=19
ते खुर्चीवरून पडताच मंचावर उपस्थित असलेले लोक त्यांना उचलण्यासाठी धावले. त्याला उचलून रुग्णालयात नेण्यात आले. पण तोपर्यंत खूप उशीर झाला होता. तपासणीनंतर डॉक्टरांनी त्यांना मृत घोषित केले. त्यांच्या मृत्यूची बातमी काही वेळातच संपूर्ण मुरुड गावात आणि लातूर जिल्ह्यात पसरली. त्यांच्या पश्चात पत्नी अमृता, एक मुलगा आणि एक मुलगी असा परिवार आहे. वयाच्या अवघ्या ४३ व्या वर्षी अशाप्रकारे मृत्यू झाल्याने संपूर्ण परिसरात शोककळा पसरली आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
